ಆಹಾರ

ಟೊಮೆಟೋ ಎಗ್ ಮಸಾಲಾ

ಬೇಕಾಗುವ ಪದಾರ್ಥಗಳು
  • ಮೊಟ್ಟೆ- ಬೇಯಿಸಿದ್ದು 5
  • ಟೊಮೆಟೋ ಪ್ಯೂರಿ- 1 ಬಟ್ಟಲು
  • ಉಪ್ಪು- ರುಚಿಗೆ ತಕ್ಕಷ್ಟು
  • ಶುಂಠಿ- ಸ್ವಲ್ಪ
  • ಬೆಳ್ಳುಳ್ಳಿ- 5-6 ಎಸಳು
  • ಎಣ್ಣೆ- ಎರಡು ಚಮಚ
  • ಈರುಳ್ಳಿ- ಸಣ್ಣಗೆ ಹೆಚ್ಚಿದ್ದು ಅರ್ಧ ಬಟ್ಟಲು
  • ದನಿಯಾ ಪುಡಿ- ಅರ್ಧ ಚಮಚ
  • ಸ್ಕೀಝ್ವಾನ್ ಸಾಸ್- 2 ಚಮಚ
  • ಕಸೂರಿ ಮೇಥಿ- ಸ್ವಲ್ಪ
ಮಾಡುವ ವಿಧಾನ…

  • ಬೇಯಿಸಿದ್ದ ಮೊಟ್ಟೆಗಳನ್ನು ತೆಗೆದುಕೊಂಡು ಮೊಟ್ಟೆಯ ಬಿಳಿ ಭಾಗದ ಮೇಲ್ಭಾಗದಲ್ಲಿ ಸ್ವಲ್ಪ ಸ್ವಲ್ಪವೇ ಐದು ಕಡೆ ಓಪನ್ ಮಾಡುವಂತೆ ಸಣ್ಣದಾಗಿ ಕತ್ತರಿಸಬೇಕು. (ಮಸಾಲೆ ಒಳಗೆ ಹೋಗುವ ಸಲುವಾಗಿ)
  • ನಂತರ ಮಿಕ್ಸಿ ಜಾರ್’ಗೆ ಟೊಮೆಟೋ ಪ್ಯೂರಿ, ಬೆಳ್ಳುಳ್ಳಿ, ಶುಂಠಿಯನ್ನು ಹಾಕಿ ಚೆನ್ನಾಗಿ ರುಬ್ಬಿಕೊಳ್ಳಬೇಕು.
  • ಒಲೆಯ ಮೇಲೆ ಬಾಣಲೆಯಿಟ್ಟು ಅದಕ್ಕೆ 2 ಚಮಚ ಎಣ್ಣೆ ಹಾಕಿ ಈರುಳ್ಳಿಯನ್ನು ಹಾಕಿ ಚೆನ್ನಾಗಿ ಹುರಿದುಕೊಳ್ಳಬೇಕು. ನಂತರ ರುಬ್ಬಿಕೊಂಡು ಟೊಮೆಟೋ ಪ್ಯೂರಿಯನ್ನು ಹಾಕಿ 5 ನಿಮಿಷ ಕುದಿಸಬೇಕು.
  • ಬಳಿಕ ಉಪ್ಪು, ದನಿಯಾ ಪುಡಿ 1/3 ಬಟ್ಟಲು ನೀರು ಹಾಕಿ 5-6 ನಿಮಿಷ ಕುದಿಸಿ, ನಂತರ ಕತ್ತರಿಸಿಕೊಂಡ ಮೊಟ್ಟೆಗಳು, ಸ್ಕೀಝ್ವಾನ್ ಸಾಸ್, ಕಸೂರಿ ಮೇಥಿ ಹಾಕಿ ಚೆನ್ನಾಗಿ ಮಿಶ್ರಣ ಮಾಡಿದರೆ, ರುಚಿಕರವಾದ ಟೊಮೆಟೋ ಎಗ್ ಮಸಾಲಾ ಸವಿಯಲು ಸಿದ್ಧ.

About the author

ಕನ್ನಡ ಟುಡೆ

Leave a Comment