ರಾಷ್ಟ್ರ ಸುದ್ದಿ

ದಸರಾ ದುರಂತದಿಂದ ಬುದ್ಧಿ ಕಲಿಯದ ಜನ, ಛಠ್‌ ಪೂಜೆಗೆ ಹಳಿ ಮೇಲೆ ಬಂದ ಭಕ್ತರು

ಬತಿಂಡ: ಅಕ್ಟೋಬರ್‌ 19ರಂದು, ಪಂಜಾಬ್‌ನ ಅಮೃತಸರದಲ್ಲಿ ದಸರಾ ಉತ್ಸವದ ಕಡೆಯ ದಿನ ರಾವಣ ದಹನದ ವೇಳೆ ಹಳಿಯ ಮೇಲಿದ್ದ ಮಂದಿಯ ಮೇಲೆ ರೈಲು ಹರಿದು 61 ಮಂದಿ ದಾರುಣವಾಗಿ ಸಾವನ್ನಪ್ಪಿದ್ದರು.

ದುರಂತ ಸಂಭವಿಸಿ ಒಂದು ತಿಂಗಳು ಕಳೆದಿಲ್ಲ. ಆಗಲೇ ಮಂದಿ ಮರೆತುಬಿಟ್ಟಿದ್ದಾರೆ. ಇದಕ್ಕೆ ನಿದರ್ಶನ ಎಂಬಂತೆ ಪಂಜಾಬ್‌ನ ಬತಿಂಡ-ಮಲೌಟ್‌ ರೈಲ್ವೆ ಹಳಿಯ ಮೇಲೆ ನೂರಾರು ಮಂದಿ ಛಾಠ್‌ ಪೂಜೆಗೆಂದು ಸೇರಿದ್ದಾರೆ. ಈ ಹಳಿಯ ಮೇಲೆ ದಿನದಲ್ಲಿ ಕನಿಷ್ಠವೆಂದರೂ 12 ರೈಲುಗಳು ಸಂಚರಿಸುತ್ತವೆ. ಅದೃಷ್ಟವಶಾತ್‌ ಪೂಜೆ ಸಂದರ್ಭ ಯಾವುದೇ ರೈಲುಗಳು ಸಂಚರಿಸಿಲ್ಲ.

ಅನಾಹುತದ ಬಗ್ಗೆ ಎಚ್ಚರಿಕೆ ನೀಡಿದರೂ ಕೇಳದೆ ಪೂಜೆ ನಡೆಸಿದ್ದಾರೆ ಎಂದು ಸ್ಥಳೀಯ ರೈಲ್ವೆ ಅಧಿಕಾರಿಗಳು ತಿಳಿಸಿದ್ದಾರೆ. ರೈಲ್ವೆ ದುರಂತದಿಂದ ಜನ ಪಾಠ ಕಲಿಯಬೇಕು. ಅನಾವಶ್ಯಕವಾಗಿ ತಮ್ಮ ಜೀವವನ್ನು ಕಳೆದುಕೊಳ್ಳಬಾರದು ಎಂದು ರೈಲ್ವೆ ಅಧಿಕಾರಿಗಳು ಮನವಿ ಮಾಡಿದ್ದಾರೆ.

About the author

ಕನ್ನಡ ಟುಡೆ

Leave a Comment