ರಾಷ್ಟ್ರ ಸುದ್ದಿ

ಬಿಜೆಪಿ ಸೇರಲು ಯತ್ನಿಸಿ, ತಿರಸ್ಕೃತಗೊಂಡ ಚಿದಂಬರಂ: ಸುಬ್ರಮಣಿಯನ್ ಸ್ವಾಮಿ

ಹೈದರಾಬಾದ್: ಕೇಂದ್ರದ ಮಾಜಿ ವಿತ್ತ ಸಚಿವ, ಕಾಂಗ್ರೆಸ್ ಹಿರಿಯ ನಾಯಕ ಪಿ.ಚಿದಂಬರಂ ಅವರು ಬಿಜೆಪಿ ಸೇರಲು ಯತ್ನಿಸಿದ್ದರು. ಆದರೆ, ಪಕ್ಷ ಅವರನ್ನು ತಿರಸ್ಕರಿಸಿತು ಎಂದು ಬಿಜೆಪಿ ಸಂಸದ ಸುಬ್ರಮಣಿಯನ್ ಸ್ವಾಮಿ  ಹೊಸ ಬಾಂಬ್ ಸಿಡಿಸಿದ್ದಾರೆ.

ಹಗರಣಗಳಲ್ಲಿ ಪಾಲುದಾರರಾಗಿರುವ ಚಿದಂಬರಂ, ಶಿಕ್ಷೆಯಿಂದ ತಪ್ಪಿಸಿಕೊಳ್ಳಲು ವಿವಿಧ ಮಾರ್ಗಗಳನ್ನು ಕಂಡುಕೊಳ್ಳುತ್ತಿದ್ದಾರೆ ಎಂದು ಸ್ವಾಮಿ ಆರೋಪಿಸಿದ್ದಾರೆ.Ficci ಮಹಿಳಾ ಸಂಸ್ಥೆ ಆಯೋಜಿಸಿದ್ದ Is Indian Economy in a Tailspin? ಕಾರ್ಯಕ್ರಮದಲ್ಲಿ ಮಾತನಾಡಿರುವ ಸುಬ್ರಮಣಿಯನ್ ಸ್ವಾಮಿ , ‘ಚಿದಂಬರಂ ಜೈಲಿಗೆ ಹೋಗುವುದನ್ನು ತಪ್ಪಿಸಲು ಯಾರಿಂದಲೂ ಸಾಧ್ಯವಿಲ್ಲ’ ಎಂದು ಭವಿಷ್ಯ ನುಡಿದಿದ್ದಾರೆ.

ನ್ಯಾಷನಲ್ ಹೆರಾಲ್ಡ್ ಪ್ರಕರಣದಲ್ಲಿ ಕಾಂಗ್ರೆಸ್ ನಾಯಕಿ ಸೋನಿಯಾ ಗಾಂಧಿ ಸಹ ಜೈಲು ಸೇರುವುದು ಖಚಿತ ಎಂದು ಅವರು ಹೇಳಿದ್ದಾರೆ.  ಪ್ರಸ್ತುತ ಸಿಬಿಐನಲ್ಲಿ ನಡೆಯುತ್ತಿರುವ ವಿವಾದ ಕುರಿತು ವರದಿಗಾರರ ಪ್ರಶ್ನಿಗೆ ಉತ್ತರಿಸಿರುವ ಸ್ವಾಮಿ, ‘ಸುಪ್ರೀಂಕೋರ್ಟ್ ತೀರ್ಪಿನ ಬಳಿಕ ಸಿಬಿಐ ಮತ್ತಷ್ಟು ಪ್ರಬಲವಾಗಿ ಎದ್ದು ನಿಲ್ಲಲಿದೆ’ ಎಂದರು.

About the author

ಕನ್ನಡ ಟುಡೆ

Leave a Comment