ರಾಜ್ಯ ಸುದ್ದಿ

ಶೀಘ್ರದಲ್ಲೇ ಬೆಂಗಳೂರು, ಮಂಗಳೂರು ನಡುವೆ ವಂದೇ ಭಾರತ್ ಎಕ್ಸ್‌ಪ್ರೆಸ್ ರೈಲು: ರೈಲ್ವೆ ಸಚಿವ 

ಬೆಂಗಳೂರು: ಬೆಂಗಳೂರು – ಮಂಗಳೂರು ನಡುವಿನ ರೈಲ್ವೆ ಪ್ರಯಾಣಿಕರಿಗೆ ಒಳ್ಳೆಯ ಸುದ್ದಿ. ಮೇಕ್ ಇನ್ ಇಂಡಿಯಾದಡಿ ನಿರ್ಮಾಣವಾಗಿರುವ ವಂದೇ ಭಾರತ್ ಎಕ್ಸ್‌ಪ್ರೆಸ್ ರೈಲು ಸೇವೆಗೆ ಶೀಘ್ರದಲ್ಲೇ ಬೆಂಗಳೂರಿನಿಂದ ಮಂಗಳೂರಿನಲ್ಲೂ ಆರಂಭವಾಗಲಿದೆ ಎಂದು ರೈಲ್ವೆ ಸಚಿವ ಪಿಯುಶ್‌ ಗೋಯಲ್ ತಿಳಿಸಿದ್ದಾರೆ.

ಶುಕ್ರವಾರ ( ಫೆಬ್ರವರಿ 22,2019 ) ರಂದು ರಾಜ್ಯ ರಾಜಧಾನಿ ಬೆಂಗಳೂರಿನಲ್ಲಿ ಮಾತನಾಡಿದ ರೈಲ್ವೆ ಸಚಿವ ಪಿಯುಶ್‌ ಗೋಯಲ್ ,” ವಂದೇ ಭಾರತ್ ಎಕ್ಸ್‌ಪ್ರೆಸ್ ಅನ್ನು ಶೀಘ್ರದಲ್ಲೇ ಬೆಂಗಳೂರು – ಮಂಗಳೂರು ನಡುವೆ, ಮಂಗಳೂರು – ಚೆನ್ನೈ ನಡುವೆ ಹಾಗೂ ಮಂಗಳೂರು – ಹೈದರಾಬಾದ್ ಮಾರ್ಗಗಳಲ್ಲಿ ಪರಿಚಯಿಸಲಾಗುವುದು” ಎಂದು ಅವರು ಮಾಹಿತಿ ನೀಡಿದ್ದಾರೆ.

‘ಇದು ಸ್ವದೇಶಿ ತಂತ್ರಜ್ಞಾನದಡಿ ಅಭಿವೃದ್ಧಿಯಾಗಿರುವ ಹೈ ಸ್ಪೀಡ್‌ ಟ್ರೈನ್‌ ಆಗಿದೆ” ಎಂದು ರೈಲ್ವೆ ಸಚಿವರು ತಿಳಿಸಿದರು. ಜತೆಗೆ, ”ಈ ರೈಲ್ವೆ ಮಾರ್ಗಗಳಲ್ಲಿ ಶೀಘ್ರದಲ್ಲೇ ಸ್ವಯಂಚಾಲಿತ ಸಿಗ್ನಲಿಂಗ್ ವ್ಯವಸ್ಥೆಯನ್ನು ಅಳವಡಿಸಲಾಗುವುದು” ಎಂದು ಪಿಯೂಶ್‌ ಗೋಯಲ್‌ ಮಾಹಿತಿ ನೀಡಿದರು.

ಫೆಬ್ರವರಿ 15ರಂದು ಪ್ರಧಾನಿ ಮೋದಿ ದೇಶದ ಮೊದಲ ಸೆಮಿ ಹೈ ಸ್ಪೀಡ್‌ ರೈಲ್ವೆ ಎಂಜಿನ್ ಇಲ್ಲದ ವಂದೇ ಭಾರತ್ ಎಕ್ಸ್‌ಪ್ರೆಸ್‌ ( T18) ಅನ್ನು ಉದ್ಘಾಟನೆ ಮಾಡಿದ್ದರು. ವಾರಾಣಸಿ – ಹೊಸದಿಲ್ಲಿ ನಡುವಿನ ಈ ರೈಲಿನಲ್ಲಿ ಜಿಪಿಎಸ್‌ ಪ್ರಯಾಣಿಕರ ಮಾಹಿತಿ ವ್ಯವಸ್ಥೆ, ಸಿಸಿ ಕ್ಯಾಮರಾಗಳು ಹಾಗೂ ತುರ್ತು ಪರಿಸ್ಥಿತಿ ವೇಳೆ ರೈಲ್ವೆ ಲೋಕೋ ಪೈಲಟ್ ಜತೆಯಲ್ಲಿ ಮಾತನಾಡುವ ಅಥವಾ ಸಂಪರ್ಕ ಮಾಡಬಹುದಾದ ಟಾಕ್‌ಬ್ಯಾಕ್ ವ್ಯವಸ್ಥೆಯನ್ನು ಈ ಮೇಕ್ ಇನ್ ಇಂಡಿಯಾದಡಿ ನಿರ್ಮಾಣವಾಗಿರುವ ಈ ರೈಲು ಹೊಂದಿದೆ.

About the author

ಕನ್ನಡ ಟುಡೆ

Leave a Comment