ರಾಜ್ಯ ಸುದ್ದಿ

ಬೆಂಗಳೂರು: ಲ್ಯಾಬ್‌ ಸಹಾಯಕನ ಮಗಳಿಗೆ 12 ಚಿನ್ನದ ಪದಕ

ಬೆಂಗಳೂರು : ಬೆಂಗಳೂರು ಕೃಷಿ ವಿವಿ ಪ್ರಯಾಗಾಲಯ ಸಹಾಯಕರ ಪುತ್ರಿ ಅದೇ ವಿವಿಯ ಸ್ನಾತಕೋತ್ತರ ಪದವಿಯಲ್ಲಿ 12 ಚಿನ್ನದ ಪದಕಗಳನ್ನು ಪಡೆದುಕೊಂಡಿದ್ದಾರೆ. ವೈದ್ಯ ಸೀಟು ಸಿಕ್ಕರೂ ಕೃಷಿ ಪದವಿ ಆಯ್ಕೆ ಮಾಡಿಕೊಂಡ ಸುಮಾ, ಮುಂದೆ ಐಎಎಸ್‌ ಪಾಸು ಮಾಡುವ ಮಹತ್ವಾಕಾಂಕ್ಷೆ ಹೊಂದಿದ್ದಾರೆ.

ಬೆಂಗಳೂರು ಕೃಷಿ ವಿಶ್ವವಿದ್ಯಾಲಯದಲ್ಲಿ ಸೋಮವಾರ 53ನೇ ಘಟಿಕೋತ್ಸವದಲ್ಲಿ ಸುಮಾ ಅವರ ಸಾಧನೆ ಪ್ರಮುಖ ಆಕರ್ಷಣೆಯಾಗಿತ್ತು. ಚಿಕ್ಕಬಳ್ಳಾಪುರದ ಸುಮಾ, ಬಿಎಸ್ಸಿ ಕೃಷಿಯಲ್ಲಿ ಏಳು ಚಿನ್ನದ ಪದಕ, ಐದು ದಾನಿಗಳ ಚಿನ್ನದ ಪದಕ ಸೇರಿದಂತೆ ಒಟ್ಟು 12 ಚಿನ್ನದ ಪದಕಗಳನ್ನು ಪಡೆದು ಮೊದಲ ಸ್ಥಾನ ಪಡೆದುಕೊಂಡರು.

ಆರು ಚಿನ್ನದ ಪದಕಗಳನ್ನು ಪಡೆದ ಕೃಷಿ ಮಾರುಕಟ್ಟೆ ಹಾಗೂ ಸಹಕಾರ ವಿಭಾಗದ ವಿದ್ಯಾರ್ಥಿನಿ ವೈ.ಎಲ್‌. ರಂಜಿತಾ, ‘ಐಎಎಸ್‌ ಅಧಿಧಿಕಾರಿಯಾಗಬೇಕು ಎಂಬ ಕನಸು ನನ್ನದಾಗಿದೆ. ಅದಕ್ಕಾಗಿ ಪದವಿ ಅಗತ್ಯವಿದ್ದರಿಂದ ಇದಕ್ಕೆ ಬಿಎಸ್ಸಿ ಕೃಷಿಗೆ ಸೇರಿದೆ. ಕೃಷಿ ಕ್ಷೇತ್ರದ ಕುರಿತು ಹಲವಾರು ಮಹತ್ವವಾದ ವಿಚಾರಗಳು ನನ್ನನ್ನು ಸೆಳೆದವು. ಆದರೆ, ಇಲ್ಲಿ ನಾವು ಎಷ್ಟೇ ಸಂಶೋಧನೆಗಳನ್ನು ಮಾಡಿದರೂ ಅದನ್ನು ಜಾರಿಗೆ ತರಲು ಕಾನೂನಿನ ಅಗತ್ಯವಿದೆ. ಆದುದರಿಂದಾಗಿ ನಾನು ಅಧಿಧಿಕಾರಿಯಾಗಿ ಹೆಚ್ಚಿನ ಸೇವೆ ಸಲ್ಲಿಸಬೇಕು ಎಂದುಕೊಂಡಿದ್ದೇನೆ’ ಎಂದು ಅಭಿಪ್ರಾಯಪಟ್ಟರು.

ಘಟಿಕೋತ್ಸವ ಉದ್ಘಾಟಿಸಿದ ಪಂಜಾಬ್‌ ಕೃಷಿ ವಿವಿ ಕುಲಪತಿ ಪದ್ಮಶ್ರೀ ಪ್ರಶಸ್ತಿ ಪುರಸ್ಕೃತ ಪ್ರೊ. ಬಲದೇವ್‌ ಸಿಂಗ್‌ ದಿಲ್ಲಾನ್‌ ಮಾತನಾಡಿ, ”ವಿದ್ಯಾರ್ಥಿಗಳು ಅನುವಂಶೀಯ ಸಂಶೋಧನೆಯಲ್ಲಿ ಹೆಚ್ಚು ತೊಡಗಬೇಕು. ಸೂಕ್ಷ್ಮ ತಂತ್ರಜ್ಞಾನದ ಮೂಲಕ ಕೃಷಿಯ ಅಡೆತಡೆಗಳನ್ನು ನಿವಾರಿಸಲು ಪ್ರಯತ್ನಿಸಬೇಕು,” ಎಂದು ಸಲಹೆ ನೀಡಿದರು.

”ಕೃಷಿ ಕ್ಷೇತ್ರಕ್ಕೆ ಪ್ರಸ್ತುತ ಲಭ್ಯವಿರುವ ಪರಿಕರಗಳನ್ನು ಸೂಕ್ತ ರೀತಿ ಬಳಕೆ ಮಾಡಿಕೊಳ್ಳಬೇಕು. ರಾಸಾಯನಿಕ ಹಾಗೂ ನೀರು ನಿರ್ವಹಣೆ ಮಾಡುವ ಕ್ರಮವನ್ನು ಕೃಷಿ ಕ್ಷೇತ್ರದಲ್ಲಿ ಕಟ್ಟ ನಿಟ್ಟಾಗಿ ಬಳಕೆ ಮಾಡಿಕೊಳ್ಳಲು ಸರಕಾರಗಳು ನೆರವಾಗಬೇಕು. ಆ ಮೂಲಕ ರೈತರ ಜೀವನ ಕ್ರಮ ಸುಧಾರಿಸಲು ಮುಂದಾಗಬೇಕು. ಅಲ್ಲದೆ, ದೂರ ಸಂಪರ್ಕ ತಂತ್ರಜ್ಞಾನ ಹಾಗೂ ಡ್ರೋಣ್‌ಗಳ ಬಳಕೆಯಿಂದಾಗಿ ಕೃಷಿಯಲ್ಲಿ ಸುಧಾರಿತ ಪದ್ಧತಿಗಳನ್ನು ಅನುಷ್ಠಾನಕ್ಕೆ ತರಬೇಕು,” ಎಂದು ಹೇಳಿದರು.

”ದೇಶದಲ್ಲಿ ಜನಸಂಖ್ಯೆಗೆ ಅನುಗುಣವಾಗಿ ಆಹಾರ ಪದಾರ್ಥಗಳ ಬೇಡಿಕೆ ಹೆಚ್ಚಾಗುತ್ತಿದ್ದು, 2030ರ ವೇಳೆಗೆ ಆಹಾರ ಧಾನ್ಯಗಳು, ಬೇಳೆ ಕಾಳುಗಳು ಹಾಗೂ ಎಣ್ಣೆಕಾಳುಗಳ ಕೊರತೆಯುಂಟಾಗಾಲಿದೆ. ಈ ಕೊರತೆ ನೀಗಿಸಲು ಪೋಷಕಾಂಶಗಳುಳ್ಳ ಆಹಾರ ಪದಾರ್ಥಗಳ ಭದ್ರತೆ ಹಾಗೂ ನೈಸರ್ಗಿಕ ಸಂಪನ್ಮೂಲಗಳನ್ನು ರಕ್ಷಣೆ ಮಾಡಬೇಕಾದ ಅಗತ್ಯವಿದೆ,” ಎಂದರು. ಕುಲಪತಿ ಡಾ.ಎಸ್‌.ರಾಜೇಂದ್ರ ಪ್ರಸಾದ್‌ ಸೇರಿದಂತೆ ವಿವಿಯ ಎಲ್ಲ ವಿಭಾಗಗಳ ಮುಖ್ಯಸ್ಥರು ವೇದಿಕೆಯಲ್ಲಿ ಹಾಜರಿದ್ದರು.

1042 ವಿದ್ಯಾರ್ಥಿಗಳಿಗೆ ಪದವಿ ಪ್ರದಾನ : ಕಳೆದ ಸಾಲಿನಲ್ಲಿ ತೇರ್ಗಡೆಯಾದ 661 ಸ್ನಾತಕ ಪದವಿ, 308 ಸ್ನಾತಕೋತ್ತರ ಹಾಗೂ 72 ಡಾಕ್ಟೊರಲ್‌ ಪದವಿಗಳನ್ನು ಪ್ರದಾನ ಮಾಡಲಾಯಿತು. ಅಲ್ಲದೆ 39 ವಿಶ್ವವಿದ್ಯಾನಿಲಯದ ಚಿನ್ನದ ಪದವಿ, 3 ಸ್ನಾತಕ ಮತ್ತು 4 ಸ್ನಾತಕೋತ್ತರ ಆವರಣ ಚಿನ್ನದ ಪದಕ, 73 ದಾನಿಗಳ ಚಿನ್ನದ ಪದಕ, 21 ಚಿನ್ನದ ಪದಕ ಪ್ರಮಾಣ ಪತ್ರವೂ ಸೇರಿದಂತೆ ಒಟ್ಟು 119 ಪದಕಗಳನ್ನು ಅರ್ಹ ವಿದ್ಯಾರ್ಥಿಗಳಿಗೆ ಪ್ರದಾನ ಮಾಡಲಾಯಿತು.

ಸಿಕ್ಕಿದ್ದರೂ ನಾನು ಕೃಷಿ ಪದವಿಯನ್ನೇ ಆರಿಸಿಕೊಂಡೆ. ಏಕೆಂದರೆ ಕೃಷಿಯಲ್ಲಿ ಸಂಶೋಧನೆಗೆ ವಿಪುಲ ಅವಕಾಶಗಳಿದ್ದು, ರೈತರಿಗೆ ಅನುಕೂಲವಾಗುವ ನಿಟ್ಟಿನಲ್ಲಿ ಹೊಸ ತಳಿಗಳ ಆವಿಷ್ಕಾರ ನಡೆಸಬೇಕೆಂದುಕೊಂಡಿದ್ದೇನೆ. 12 ಪದಕಗಳು ಸಿಕ್ಕಿರುವುದು ತುಂಬಾ ಖುಷಿಯಾಗ್ತಿದೆ- ಸುಮಾ, ಪದಕ ವಿಜೇತೆ.

 

About the author

ಕನ್ನಡ ಟುಡೆ

Leave a Comment