ರಾಜ್ಯ ಸುದ್ದಿ

ಮೈತ್ರಿ ಬಜೆಟ್: ಸರ್ವರಿಗೂ ನೈವೇದ್ಯ

ಬೆಂಗಳೂರು: ಆಪರೇಷನ್ ಆತಂಕ, ಪ್ರತಿಪಕ್ಷ ಬಿಜೆಪಿಯ ಸ‘ಾತ್ಯಾಗದ ನಡುವೆ ಸಿಎಂ ಕುಮಾರಸ್ವಾಮಿ ಅವರು ಶುಕ್ರವಾರ ಮಂಡಿಸಿದ ಬಜೆಟ್‌ನಲ್ಲಿ ಸರ್ವರಿಗೂ ‘ನೈವೇದ್ಯ’ ಸಮರ್ಪಿಸಲಾಗಿದೆ. ಕೃಷಿಯಿಂದ ಎಂಜಿನಿಯರಿಂಗ್ ಕಾಲೇಜುವರೆಗೆ, ನಗರದಿಂದ ಗ್ರಾಮಗಳವರೆಗೆ, ಶಾಲಾ ಮಕ್ಕಳಿಂದ ಹಿರಿಯ ನಾಗರಿಕರವರೆಗೆ, ಸಮುದ್ರದಿಂದ ವಿಮಾನ ನಿಲ್ದಾಣದವರೆಗೆ ಎಲ್ಲ ಕಡೆಗೂ ಕುಮಾರಸ್ವಾಮಿ ದೃಷ್ಟಿ ಹರಿದಿದೆ.

ಹಳೆ ಮೈಸೂರು ಕೇಂದ್ರಿತ ಬಜೆಟ್ ಎಂಬ ಆಪಾದನೆಯಿಂದ ಮುಕ್ತಗೊಂಡಿರುವ ಕುಮಾರಸ್ವಾಮಿ ಉತ್ತರಕ್ಕೂ ವ್ಯಾಪಿಸಿದ್ದಾರೆ. ಆದರೆ, ಯಾವ ವಿಗಕ್ಕೂ ನ್ಯಾಯ ಒದಗಿಸುವಷ್ಟು ಸಂಪನ್ಮೂಲ ಹಂಚಿಕೆಯಾಗಿಲ್ಲ. ಸಂಪೂರ್ಣ ಸಾಲ ಮನ್ನಾಕ್ಕೆ ಏಕಗಂಟಿನಲ್ಲಿ ಹಣ ಸಿಗುತ್ತದೆ ಎಂಬ ನಿರೀಕ್ಷೆಯೂ ಈಡೇರಿಲ್ಲ.

ಅನ್ನದಾತನನ್ನೇ ಪ್ರಧಾನ ಟಾರ್ಗೆಟ್ ಆಗಿ ಇಟ್ಟುಕೊಂಡ ಸಿಎಂ ಕೃಷಿ ಮತ್ತು ನೀರಾವರಿಗೆ ಭರ್ಜರಿ ಹಣ ಹರಿಸಿದ್ದಾರೆ. ಕೆಲವೊಂದು ಸಣ್ಣಪುಟ್ಟ ಜಾತಿಗಳನ್ನು ಗುರುತಿಸಿ ಅನುದಾನ ಹಂಚಲಾಗಿದೆ. ಎಲ್ಲರನ್ನೂ ಸಂಪ್ರೀತಗೊಳಿಸುವ ಪ್ರಯತ್ನದ ಹಿಂದೆ ಲೋಕಸಭಾ ಚುನಾವಣೆಯ ನೆರಳೂ ಕಾಣಿಸುತ್ತಿದೆ.

ಮಣ್ಣಿನ ಮಕ್ಕಳಿಗೆ ಕುಮಾರಕೃಪೆ

  • ಸಿರಿಧಾನ್ಯ ಉತ್ತೇಜನಕ್ಕೆ ಹೆಕ್ಟೇರ್‌ಗೆ 10000 ರೂ. ನಗದು
  • ಭತ್ತ ಬೆಳೆ ಪ್ರೋತ್ಸಾಹಕ್ಕೆ ಹೆಕ್ಟೇರ್‌ಗೆ 7500 ರೂ. ಪ್ಯಾಕೇಜ್
  • ಪ್ರಧಾನಿ ಸಲ್ ಬಿಮಾ ಯೋಜನೆ ಬದಲು ರಾಜ್ಯದ್ದೇ ಸ್ಕೀಮ್
  • ಈರುಳ್ಳಿ, ಆಲೂ, ಟೊಮ್ಯಾಟೊ ದರ ಕುಸಿತದಿಂದ ರಕ್ಷಣೆ
  • ಬೆಲೆ ಕುಸಿತದ ವೇಳೆ ಕೃಷಿ ಉತ್ಪನ್ನ ಸಂಗ್ರಹಣೆಗೆ ರೈತ ಕಣಜ
  • ಕೃಷಿ ಉತ್ಪನ್ನಗಳ ನೇರ ಮಾರಾಟಕ್ಕೆ 600 ಸಂತೆಗಳ ಅಭಿವೃದ್ಧಿ
  • 10000 ನಿರುದ್ಯೋಗಿಗಳಿಗೆ ನಾಟಿ ಕೋಳಿ ಸಾಕಾಣಿಕೆ ಪ್ರೋತ್ಸಾಹ
  • ನೂರಾರು ಗ್ರಾಮಗಳ ಕೆರೆಗಳಿಗೆ ನೀರು ತುಂಬುವ ಪ್ಲ್ಯಾನ್

ಗೃಹಲಕ್ಷ್ಮಿ
ರೈತ ಮಹಿಳೆಯರಿಗೆ 3% ಬಡ್ಡಿ ದರದಲ್ಲಿ ಚಿನ್ನದ ಅಡಮಾನ ಸಾಲ

ಕ್ಷೀರಧಾರೆ
ಹಾಲಿನ ಪ್ರೋತ್ಸಾಹ‘ನ ಲೀಟರ್‌ಗೆ 5ರಿಂದ 6 ರೂ.ಗೆ ಹೆಚ್ಚಳ

ಮಹಿಳಾ ಸಬಲೀಕರಣ

  • ಮಾತೃಶ್ರೀ ಯೋಜನೆಯಡಿ ಗರ್ಭಿಣಿಯರಿಗೆ ನೀಡುವ ಸಹಾಯ‘ನ 6ರಿಂದ 12 ಸಾವಿರಕ್ಕೇರಿಕೆ
  • ಅಂಗನವಾಡಿ ಕಾರ್ಯಕರ್ತೆಯರಿಗೆ 500, ಸಹಾಯಕರಿಗೆ 250 ರೂ. ಗೌರವ‘ನ ಹೆಚ್ಚಳ
  • ವಿಶ್ವೇಶ್ವರಯ್ಯ ತಾಂತ್ರಿಕ ವಿವಿಯನ್ನು ವಿಭಜಿಸಿ ಹಾಸನದಲ್ಲಿ ಮತ್ತೊಂದು ತಾಂತ್ರಿಕ ವಿವಿ ಸ್ಥಾಪನೆ
  •  ಯಶಸ್ವಿನಿ ಸದ್ದಿಲ್ಲ, ಆಯುಷ್ಮಾನ್ ಭಾರತ್-ಆರೋಗ್ಯ ಕರ್ನಾಟಕ ಯೋಜನೆಯೇ ಜಾರಿ

ಜಾತಿ-ಧರ್ಮಗಳಿಗೆ ಕೊಡುಗೆ

  •    ಹಲವಾರು ಹಿಂದೂ ಮಠ ಮಂದಿರಗಳಿಗೆ ಒಟ್ಟು 88 ಕೋಟಿ ರೂ. ಬಿಡುಗಡೆ
  • ವಿಶ್ವಕರ್ಮ, ಅಲೆಮಾರಿ, ಮಡಿವಾಳ ಮಾಜಿದೇವ ಅಭಿವೃದ್ಧಿ ನಿಗಮಕ್ಕೆ ತಲಾ 25 ಕೋಟಿ
  • ಕ್ರೈಸ್ತ ಅಭಿವೃದ್ಧಿ ನಿಗಮ ಸ್ಥಾಪನೆಗೆ 200 ಕೋಟಿ
  • ಮುಸ್ಲಿಮರ ವಸತಿ ಪ್ರದೇಶದ ಮೂಲಸೌಕರ್ಯ ಅಭಿವೃದ್ಧಿಗೆ 400 ಕೋಟಿ
    ಹೊಸ ಕನಸುಗಳು
  • ಮೈಸೂರು, ಮಂಗಳೂರು, ಹುಬ್ಬಳ್ಳಿ-ಧಾರವಾಡದಲ್ಲಿ ಮೆಟ್ರೋ ಯೋಜನೆ ಬಗ್ಗೆ ಸಾ‘್ಯತಾ ವರದಿ
  •  ಹಾರೋಹಳ್ಳಿ, ಚೇಳೂರು, ತೇರದಾಳ, ಕಳಸ: ನಾಲ್ಕು ಹೊಸ ತಾಲೂಕುಗಳು ಘೋಷಣೆ

    ಅರ್ಧ ಸಾಲವೂ ಮನ್ನಾ ಆಗದು
    ಲೆಕ್ಕಾಚಾರದ ಪ್ರಕಾರ, ಸಂಪೂರ್ಣ ಸಾಲ ಮನ್ನಾಕ್ಕೆ 36000 ಕೋಟಿ ರೂ. ಬೇಕು. ಸರಕಾರ ಈ ಹಿಂದೆ 3000 ಮತ್ತು ಈ ಬಜೆಟ್‌ನಲ್ಲಿ 12650 ಕೋಟಿ ಬಿಡುಗಡೆ ಮಾಡಿದೆ. ಅಂದರೆ ಬೇಡಿಕೆಯ ಅರ್ಧಭಾಗವನ್ನೂ ಪೂರೈಸಲಾಗಿಲ್ಲ.

    ಟಾಪ್ 5 ಆದ್ಯತಾ ವಲಯ
    ಶಿಕ್ಷಣ 28,151 ಕೋಟಿ 11%
    ನಗರಾಭಿವೃದ್ಧಿ 24,413 ಕೋಟಿ 9%
    ಜಲ ಸಂಪನ್ಮೂಲ 19279 ಕೋಟಿ 7%
    ಇಂಧನ 18277 ಕೋಟಿ 7%
    ಗ್ರಾಮೀಣಾಭಿವೃದ್ಧಿ, ಪಂಚಾಯಿತಿರಾಜ್ 14899 ಕೋಟಿ 6%

 

About the author

ಕನ್ನಡ ಟುಡೆ

Leave a Comment