ಸಿನಿ ಸಮಾಚಾರ

ಯಾರ್ಯಾರನ್ನು ಎದುರು ಹಾಕಿಕೊಳ್ಳುತ್ತಿದ್ದೇನೆ ನಿಮಗೆ ಗೊತ್ತು: ಸುಮಲತಾ

ಮಂಡ್ಯ: ‘ನಾನು ಒಂಟಿಯಲ್ಲ. ನನ್ನ ಪರ ನನ್ನ ಮಕ್ಕಳು ಇದ್ದಾರೆ. ಮಂಡ್ಯದ ಜನ ಮುಟ್ಠಾಳರಲ್ಲ, ಮಂಡ್ಯಕ್ಕೆ ಸ್ವಾಭಿಮಾನ ಇದೆ. ನಿಮ್ಮನ್ನು ನಂಬಿ ಈ ಸಾಹಸಕ್ಕೆ ಕೈ ಹಾಕಿದ್ದೇನೆ. ನಾನು ಯಾರ್ಯಾರನ್ನು ಎದುರು ಹಾಕಿಕೊಳ್ಳುತ್ತಿದ್ದೇನೆ ಎಂಬುದು ನಿಮಗೆ ಗೊತ್ತಿದೆ’ ಎಂದು ಮಂಡ್ಯ ಲೋಕಸಭಾ ಕ್ಷೇತ್ರದ ಪಕ್ಷೇತರ ಅಭ್ಯರ್ಥಿ ಸುಮಲತಾ ಅಂಬರೀಷ್ ಹೇಳಿದರು.

ಮಂಡ್ಯದ ಬೂಕನಕೆರೆಯಲ್ಲಿ ಪ್ರಚಾರ ಸಭೆಯಲ್ಲಿ ಮಾತನಾಡಿದ ಅವರು, ನಟ ದರ್ಶನ್‌ಗೆ ಜೈಕಾರ ಹಾಕಿದ್ದಕ್ಕೆ ಲಾಠಿ ಚಾರ್ಜ್ ಮಾಡಿದ್ದಾರೆ. ಏಪ್ರಿಲ್ 18ರ ಮತದಾನದಂದು ಲಾಠಿ ನಿಮ್ಮ ಕೈಯಲ್ಲಿರುತ್ತೆ. ಅವತ್ತು ಅದನ್ನು ಉಪಯೋಗಿಸಿ ಎಂದು ಕರೆ ನೀಡಿದರು. ಮೋಸ, ಕುತಂತ್ರ, ಸುಳ್ಳು ಎಷ್ಟು ದಿನ ಇರುತ್ತೆ? ನಾನು ಯಾರ್ಯಾರನ್ನು ಎದುರು ಹಾಕಿಕೊಂಡಿದ್ದೇನೆ ಎಂಬುದು ನಿಮಗೆ ಗೊತ್ತಿದೆ. ಒಬ್ಬ ಮಾಜಿ ಪ್ರಧಾನಿ, ಒಬ್ಬ ಸಿಎಂ, ಎಂಟು ಮಂದಿ ಶಾಸಕರು, ಮೂರು ಮಂತ್ರಿಗಳು, ಮೂರು ಎಂ.ಎಲ್.ಸಿ. ಹಾಗೂ ಕಾಂಗ್ರೆಸ್ ಧೀಮಂತ ನಾಯಕರು ಒಗ್ಗಟ್ಟಾಗಿದ್ದಾರೆ. ಕಳೆದ ಅಸೆಂಬ್ಲಿ ಚುನಾವಣೆಯಲ್ಲಿ ಪರಸ್ಪರ ಬೈದಾಡಿಕೊಂಡವರೆಲ್ಲಾ ಇವತ್ತು ಜೋಡೆತ್ತುಗಳೆಂದು ಹೇಳಿಕೊಳ್ಳುತ್ತಿದ್ದಾರೆ. ಯಾವ ಜೋಡೆತ್ತು ರೇಸ್ ನಲ್ಲಿ ಗೆಲ್ಲುತ್ತೆ ನೋಡೋಣ ಎಂದು ಹೆಸರು ಹೇಳದೇ ಮುಖ್ಯಮಂತ್ರಿ ಎಚ್‌.ಡಿ ಕುಮಾರಸ್ವಾಮಿ ಹಾಗೂ ಸಚಿವ ಡಿಕೆ ಶಿವಕುಮಾರ್ ವಿರುದ್ಧ ಸುಮಲತಾ ವಾಗ್ದಾಳಿ ನಡೆಸಿದರು.

ಮೂವರು ಸುಮಲತಾ ಸ್ಪರ್ಧೆ ವಿಚಾರ: ಅವರು ಏನೇ ಕುತಂತ್ರ ಮಾಡಲಿ, ಮೂರಲ್ಲ ನೂರು ಸುಮಲತಾರನ್ನು ಅಭ್ಯರ್ಥಿಗಳಾಗಿ ಹಾಕಲಿ. ಬೇಕಿದ್ದರೆ ತಮ್ಮ ಅಭ್ಯರ್ಥಿ ಹೆಸರನ್ನೂ ಸುಮಲತಾ ಅಂತಾನೆ ಹಾಕಿಕೊಳ್ಳಲಿ ಎಂದು ಜೆಡಿಎಸ್ ವಿರುದ್ದ ಸುಮಲತಾ ವಾಗ್ದಾಳಿ ನಡೆಸಿದರು.

About the author

ಕನ್ನಡ ಟುಡೆ

Leave a Comment