ರಾಜಕೀಯ

ರಾಜೀವ್-ಸೋನಿಯಾ ನಿಷ್ಠರಾಗಿದ್ದ ಕುಟುಂಬದ ಕುಡಿ ಈಗ ರಾಹುಲ್ ವಿರುದ್ಧವೇ ಸ್ಫರ್ಧೆ

ಲಖನೌ: ತಲೆಮಾರುಗಳಿಂದ ಕಾಂಗ್ರೆಸ್ ನಂಬಿಕಸ್ಥನಾಗಿದ್ದ ಹಾಜಿ ಮೊಹಮ್ಮದ್ ಹರೂನ್ ರಶೀದ್ ಹಾಗೂ ಆತನ ಕುಟುಂಬ, ಈಗ ಪಕ್ಷಕ್ಕೆ ಶಾಕ್ ನೀಡಿದೆ. ಉತ್ತರ ಪ್ರದೇಶ ಅಮೇಥಿ ಕ್ಷೇತ್ರದಲ್ಲಿ ರಾಜೀವ್ ಗಾಂಧಿ ವಿರುದ್ಧ ಚುನಾವಣೆಗೆ ಇಳಿಯುವುದಾಗಿ ಸೋಮವಾರ ( ಮಾರ್ಚ್ 25,2019)ರಂದು ಹರೂನ್ ನಿರ್ಧಾರ ಮಾಡಿದ್ದಾರೆ.

ಅಮೇಠಿಯಲ್ಲಿ ಅಭಿವೃದ್ಧಿ ಹಾಗೂ ಪ್ರಗತಿಯಾಗಿಲ್ಲ ಎಂಬ ಕಾರಣ ನೀಡಿರುವ ಹಾಜಿ ಮೊಹಮ್ಮದ್ ಹರೂನ್ ರಶೀದ್, ವಿಜಯ ಕರ್ನಾಟಕ ಸೋದರ ಪತ್ರಿಕೆ ಟೈಮ್ಸ್ ಆಫ್‌ ಇಂಡಿಯಾದೊಂದಿಗೆ ಮಾತನಾಡಿದಾಗ ಕಾಂಗ್ರೆಸ್ ಪಕ್ಷದ ವಿರುದ್ಧ ಹರಿಹಾಯ್ದಿದ್ದಾರೆ. ”ಕಾಂಗ್ರೆಸ್ ಹೇಳುವುದಕ್ಕೂ ಮಾಡುವುದಕ್ಕೂ ದೊಡ್ಡ ವ್ಯತ್ಯಾಸವಿದೆ. ಇದಕ್ಕೆ ಅಮೇಠಿ ದೊಡ್ಡ ಉದಾಹರಣೆ. ಆ ಲೋಕಸಭೆ ಕ್ಷೇತ್ರದಲ್ಲಿರುವ ಕಡು ಬಡತನ ಕಟು ಸತ್ಯವಾಗಿದ್ದು, ಹಳ್ಳಿಗಳಿಗೆ ಭೇಟಿ ನೀಡುವ ಮೂಲಕ ಅದನ್ನು ಯಾರಾದರೂ ನೋಡಬಹುದು ” ಎಂದು ಆತ ಹೇಳಿದ್ದಾನೆ. ಅಲ್ಲದೆ, ”ಇದನ್ನು ಸರಿ ಮಾಡಲು ರಾಹುಲ್ ಗಾಂಧಿ ವಿರುದ್ಧ ಚುನಾವಣೆಯಲ್ಲಿ ನಿಲ್ಲುವ ನಿರ್ಧಾರ ಮಾಡಿದೆ” ಎಂದು ಹಾಜಿ ಮೊಹಮ್ಮದ್ ತಿಳಿಸಿದ್ದಾರೆ.

ಹರೂನ್‌ರ ತಂದೆ ಮೊಹಮ್ಮದ್‌ ಸುಲ್ತಾನ್‌ ಕಾಂಗ್ರೆಸ್ ಪಕ್ಷದ ನಿಷ್ಠಾವಂತರಾಗಿದ್ದರು. ”ನಮ್ಮ ತಂದೆ 1910ರಲ್ಲಿ ಜನಿಸಿದ್ದು, ಅವರು ಚಿಕ್ಕ ವಯಸ್ಸಿನಲ್ಲಿದ್ದಾಗಲೇ ಪಕ್ಷವನ್ನು ಸೇರಿದರು. 70ಕ್ಕೂ ಹೆಚ್ಚು ವರ್ಷಗಳ ಕಾಲ ನಾವು ಕಾಂಗ್ರೆಸ್ ಪಕ್ಷವನ್ನು ಬೆಂಬಲಿಸಿದವು. ಆದರೆ, ಅಮೇಠಿಯ ಅಭಿವೃದ್ಧಿ ಪಕ್ಷಕ್ಕೆ ಬೇಕಾಗಿಲ್ಲ ಎಂಬ ಅರಿವಿ ಈಗ ನಮಗೆ ಬಂದಿದೆ” ಎಂದು ಹರೂನ್ ತಿಳಿಸಿದ್ದಾರೆ. ಜತೆಗೆ, ”70 ವರ್ಷ ದೀರ್ಘವಾದ ಸಮಯವಾಗಿದ್ದು, ನಾವು ಈಗಲೂ ಎಚ್ಚೆತ್ತುಕೊಳ್ಳದಿದ್ದರೆ ನಮ್ಮ ಹಣೆಬರಹವನ್ನು ನಾವು ಎಂದಿಗೂ ಬದಲಿಸಲು ಸಾಧ್ಯವಿಲ್ಲ” ಎಂದೂ ಹಾಜಿ ಮೊಹಮ್ಮದ್ ಹರೂನ್ ರಶೀದ್ ವಿಜಯ ಕರ್ನಾಟಕ ಸೋದರ ಪತ್ರಿಕೆ ಟೈಮ್ಸ್ ಆಫ್‌ ಇಂಡಿಯಾಗೆ ತಿಳಿಸಿದ್ದಾರೆ. 

ರಾಹುಲ್‌ ಭೇಟಿಗೆ ಅವಕಾಶ ನೀಡಲಿಲ್ಲ : ಇನ್ನು, ಫರ್ಸಾಟ್ಗಂಜ್‌ನಲ್ಲಿ ರೈತರಾಗಿರುವ ಹರೂನ್‌, ಯಾವ ಪಕ್ಷದಿಂದ ಸ್ಪರ್ಧಿಸಬೇಕು ಎಂಬುದು ಇನ್ನೂ ನಿರ್ಧಾರ ಮಾಡಿಲ್ಲ ಎನ್ನುತ್ತಾರೆ. ಆದರೆ, ಸಮಾಜವಾದಿ ಪಕ್ಷದ ನಾಯಕರು ಅವರಿಗೆ ಬೆಂಬಲ ನೀಡಿದ್ದಾರೆ ಎಂದು ತಿಳಿದುಬಂದಿದೆ. ಅಲ್ಲದೆ, ”ಅಲ್ಪಸಂಖ್ಯಾತ ಸಮುದಾಯಕ್ಕಾಗಿ ದುಡಿಯುವುದು ತನ್ನ ಆದ್ಯತೆ. ದೇಶಾದ್ಯಂತ ಮುಸ್ಲಿಮರಿಗೆ ಶಿಕ್ಷಣ ಹಾಗೂ ಉದ್ಯೋಗದ ವಿಚಾರದಲ್ಲಿ ತೀರಾ ಹಿಂದುಳಿದಿದ್ದಾರೆ. ಈ ವಿಚಾರದಲ್ಇ ಹಾಗೂ ಬಡ ಮುಸ್ಲಿಮರಿಗೆ ಮೀಸಲಾತಿ ಕೊಡಿಸಲು ತಾನು ಹೋರಾಡುತ್ತೇನೆ” ಎಂದೂ ಅವರು ತಿಳಿಸಿದ್ದಾರೆ.”ತನ್ನ ನಿರ್ಧಾರವನ್ನು ಇನ್ನೂ ತಂದೆಗೆ ಹೇಳಿ ಒಪ್ಪಿಸಬೇಕಿದೆ ಎಂದ ಹರೂನ್, ಕಳೆದ ಆಗಸ್ಟ್ ತಿಂಗಳಲ್ಲಿ ತಾನು ರಾಹುಲ್ ಗಾಂಧಿಯನ್ನು ಭೇಟಿ ಮಾಡಲು ಹೋದರೂ, ಅವರ ಸುತ್ತಮುತ್ತಲಿದ್ದ ನಾಯಕರು ಅದಕ್ಕೆ ಅವಕಾಶ ನೀಡಲಿಲ್ಲ” ಎಂದು ಬೇಸರ ಪಟ್ಟುಕೊಂಡಿದ್ದಾರೆ.

 

About the author

ಕನ್ನಡ ಟುಡೆ

Leave a Comment