ಆಹಾರ

ಈ ರೋಗಗಳಿಗೆ ರಾಮಬಾಣ ನುಗ್ಗೆಸೊಪ್ಪು

ನುಗ್ಗೆಸೊಪ್ಪು ಪೋಷಕಾಂಶಗಳ ಆಗರ. ಇದನ್ನು ತಿನ್ನುವುದರಿಂದ ಒಂದಲ್ಲ, ಎರಡಲ್ಲ ನೂರಾರು ಆರೋಗ್ಯಕರ ಲಾಭಗಳನ್ನು ಪಡೆಯಬಹುದು. ಸುಮಾರು 300 ರೋಗಗಳನ್ನು ಕಡಿಮೆ ಮಾಡುವ ಔಷಧೀಯ ಗುಣವಿರುವ ನುಗ್ಗೆಸೊಪ್ಪು ಎಲ್ಲಾ ಕಾಲದಲ್ಲಿ ದೊರೆಯುವುದಾದರೂ ಮಳೆಗಾಲದಲ್ಲಿ ಸೊಂಪಾಗಿ ಬೆಳೆದಿರುತ್ತದೆ. ನುಗ್ಗೆಸೊಪ್ಪಿನಲ್ಲಿ ಮೊಸರಿಗಿಂತ 2 ರಷ್ಟು ಜಾಸ್ತಿ ವಿಟಮಿನ್ ಸಿ, ಕಿತ್ತಳೆಗಿಂತ 7 ಪಟ್ಟು ಜಾಸ್ತಿ ವಿಟಮಿನ್ ಎ, ಕ್ಯಾರೆಟ್ಗಿಂತ 4 ರಷ್ಟು ಜಾಸ್ತಿ ಪೊಟ್ಯಾಶಿಯಂ, ಬಾಳೆಹಣ್ಣಿಗಿಂತ 3 ರಷ್ಟು ಹಾಗೂ ಹಾಲಿಗಿಂತ 4 ರಷ್ಟು ಜಾಸ್ತಿ ಕ್ಯಾಲ್ಸಿಯಂ ಇವೆ.

ನುಗ್ಗೆ ಸೊಪ್ಪನ್ನು ಔಷಧಿಯಾಗಿ ಈ ಆರೋಗ್ಯ ಸಮಸ್ಯೆಗಳ ನಿವಾರಣೆಗೆ ಬಳಸಬಹುದು:

2. ಆಗಾಗ ತಲೆಸುತ್ತು ಬರುತ್ತಿದ್ದರೆ ನುಗ್ಗೆಸೊಪ್ಪಿನ ರಸಕ್ಕೆ ನಿಂಬೆರಸ ಹಿಂಡಿ ಒಂದು ವಾರ ಬೆಳಗ್ಗೆ ಕುಡಿದರೆ ಸಾಕು, ಈ ಸಮಸ್ಯೆಯಿಂದ ಮುಕ್ತಿ ಪಡೆಯಬಹುದು.

1. ಬಾಣಂತಿಯರು ಎದೆ ಹಾಲು ಕಮ್ಮಿಯಿದ್ದರೆ ನುಗ್ಗೆ ಸೊಪ್ಪನ್ನು ತಿಂದರೆ ಸಾಕು, ಸಮಸ್ಯೆ ನಿವಾರಣೆಯಯಾಗುವುದು.

3. ಒಂದೇ ಪಾರ್ಶ್ವದಲ್ಲಿ ತಲೆ ನೋಯುತ್ತಿದ್ದರೆ ನಾಲ್ಕರಿಂದ ಐದು ಹನಿ ನುಗ್ಗೆ ಸೊಪ್ಪಿನ ರಸವನ್ನು ಬಲಗಡೆ ನೋಯುತ್ತಿದ್ದರೆ ಎಡಕಿವಿಗೆ, ಎಡತಲೆ ನೋಯುತ್ತಿದ್ದರೆ ಬಲಕಿವಿಗೆ ಹಾಕಿದರೆ ತಲೆನೋವು ಕಡಿಮೆಯಾಗುವುದು.

4. ಮಧುಮೇಹಿಗಳು ಈ  ಸೊಪ್ಪು ತಿಂದರೆ ದೇಹದಲ್ಲಿ ಇನ್ಸುಲಿನ್‌ ಪ್ರಮಾಣ ನಿಯಂತ್ರಣದಲ್ಲಿರುತ್ತದೆ.

5. ಅಧಿಕ ರಕ್ತದೊತ್ತಡ ಸಮಸ್ಯೆಗೆ ರಾಮಬಾಣ

6. ಲೈಂಗಿಕ ನಿಶ್ಯಕ್ತಿ ಇರುವವರು ಪ್ರತಿದಿನ ಇದನ್ನು ತಿಂದರೆ ಲೈಂಗಿಕ ಸಾಮರ್ಥ್ಯ ಹೆಚ್ಚಾಗುವುದು.

7. ಕೊಲೆಸ್ಟ್ರಾಲ್ ಸಮಸ್ಯೆ ಇರುವವರು ನುಗ್ಗೆಸೊಪ್ಪು ತಿಂದು ಕೊಲೆಸ್ಟ್ರಾಲ್‌ ನಿಯಂತ್ರಣದಲ್ಲಿಡಬಹುದು.

8. ನುಗ್ಗೆ ಸೊಪ್ಪಿನ ರಸವನ್ನು ತೆಗೆದು ಅದಕ್ಕೆ ಒಂದು ಚಮಚ ಜೇನು ತುಪ್ಪ್ಪ ಹಾಕಿ ಕುಡಿದರೆ, ಮುಟ್ಟಿನ ಸಮಯದ ನೋವು ಕಡಿಮೆ ಆಗುವುದು.

About the author

ಕನ್ನಡ ಟುಡೆ

Leave a Comment