ರಾಜಕೀಯ

ವಾಯುಪಡೆಯ ಕಾರ್ಯವನ್ನು ರಾಜಕೀಯವಾಗಿ ಬಳಸಿಕೊಳ್ಳುವ ಮಾತೇ ಇಲ್ಲ: ಯಡಿಯೂರಪ್ಪ

ಯಾದಗಿರಿ: ದೇಶದ 135 ಕೋಟಿ ಜನರು ಅಭಿನಂದನೆ ಸಲ್ಲಿಸುವ ಕಾರ್ಯ ಭಾರತೀಯ ವಾಯು ಸೇನೆ ಮಾಡಿದೆ, ಪಾಕಿಸ್ತಾನದ ವಿಮಾನ ಹೊಡೆದು ದೇಶದ ಸೈನಿಕರು ಹೊಡೆದು ಉರುಳಿಸಿದ್ದಾರೆ, ಪ್ರಪಂಚಾದ್ಯಂತ ಪಾಕಿಸ್ತಾನ ನಡವಳಿಕೆಗೆ ಖಂಡನೆ ವ್ಯಕ್ತವಾಗುತ್ತಿದೆ ಎಂದು ಮಾಜಿ ಮುಖ್ಯಮಂತ್ರಿ ಬಿ.ಎಸ್‌.ಯಡಿಯೂರಪ್ಪ ತಿಳಿಸಿದರು ಯಾದಗಿರಿಯಲ್ಲಿ ಸುದ್ದಿಗಾರರೊಂದಿಗೆ ಯಡಿಯೂರಪ್ಪ ಮಾತನಾಡಿದರು.

ಪಾಕಿಸ್ತಾನ ತಪ್ಪು ಅರ್ಥ ಮಾಡಿಕೊಂಡು ಭಯೋತ್ಪಾದನಾ ಕೈಬಿಡಬೇಕಿದೆ, ಇಲ್ಲದಿದ್ದರೆ ಪಾಕಿಸ್ತಾನ ಸರ್ವನಾಶವಾಗುತ್ತದೆ, ಅಜರ್ ಮಸೂದ್‌ನನ್ನು ವಿಶ್ವಮಟ್ಟದಲ್ಲಿ ಭಯೋತ್ಪಾದನಾ ಪಟ್ಟಿಯಲ್ಲಿ ಸೇರಿಸುವ ಪ್ರಯತ್ನ ಸ್ವಾಗತರ್ಹವಾಗಿದೆ ಎಂದರು.

ವಿಗ್ ಕಮಾಂಡರ್ ಅಭಿನಂದನ್‌ ಪಾಕಿಸ್ತಾನ ವಶದಲ್ಲಿರುವ ವಿಚಾರ ಕುರಿತಂತೆ, ಕಾನೂನಿನ ರೀತಿಯಲ್ಲಿ ವಾಪಸ್‌ ಕರೆಸಬೇಕು. ಸೆರೆಸಿಕ್ಕ ವ್ಯಕ್ತಿ ಮೇಲೆ ಹಲ್ಲೆ ನಡೆಸುವುದಕ್ಕೆ ಕಾನೂನಿನಲ್ಲಿ ಅವಕಾಶವಿಲ್ಲ. ಪಾಕಿಸ್ತಾನ ಕೂಡಲೇ ಅಭಿನಂದನ್‌ ಅವರನ್ನು ಬಿಡುಗಡೆ ಮಾಡುವ ವಿಶ್ವಾಸವಿದೆ ಎಂದು ಬಿಎಸ್‌ವೈ ಹೇಳಿದರು.

ಸಿಎಂ ಕುಮಾರಸ್ವಾಮಿ  ಹಾಗೂ ಸಿದ್ದರಾಮಯ್ಯ  ಮಾಡಿರುವ ಆರೋಪಗ ಬಗ್ಗೆ ನಾನು ಮಾತನಾಡುವುದಿಲ್ಲ ಎಂದು ಸ್ಪಷ್ಟಪಡಿಸಿದರು. ಸೈನಿಕರ ವಿಚಾರ ಚುನಾವಣೆಗೆ ಬಳಕೆ ಮಾಡಿಕೊಳ್ಳುವ ಪ್ರಶ್ನೆ ಇಲ್ಲ, ರಾಜಕೀಯ ಲಾಭ ಮಾಡಿಕೊಳ್ಳುವ ಪ್ರಶ್ನೆ ಇಲ್ಲ, ಯಾರೇ ಪ್ರಮುಖರು ಏನೇ ಹೇಳಿದರು ಮಾತನಾಡುವುದಿಲ್ಲ ಎಂದು ಬಿಎಸ್‌ ಯಡಿಯೂರಪ್ಪ ತಿಳಿಸಿದರು

About the author

ಕನ್ನಡ ಟುಡೆ

Leave a Comment