ಅ೦ತರಾಷ್ಟ್ರೀಯ

ವಿಶ್ವದಲ್ಲೇ ಪ್ರಥಮ: ತಾಯಿಯಾದಳು ಮೃತ ದಾನಿಯ ಗರ್ಭಕೋಶ ಕಸಿ ಮಾಡಿಸಿಕೊಂಡ ಮಹಿಳೆ

ಬ್ರೆಜಿಲ್: ಮೃತಳಿಂದ ಪಡೆದ ಗರ್ಭಕೋಶ ಕಸಿಯಿಂದ ಗರ್ಭ ಧರಿಸಿದ ಮಹಿಳೆಯೊಬ್ಬರು ಆರೋಗ್ಯವಂತ ಹೆಣ್ಣು ಮಗುವಿಗೆ ಜನ್ಮ ನೀಡಿದ್ದು, ಜಾಗತಿಕವಾಗಿ ಮೊದಲ ಪ್ರಕರಣ ಇದಾಗಿದೆ. ಡಿಸೆಂಬರ್ 2017ರಲ್ಲಿ ಮಗು ಜನಿಸಿದ್ದು , ಸೆಪ್ಟೆಂಬರ್ 2016ರಲ್ಲಿ ಸಾವ್ ಪೌಲೋದಲ್ಲಿ ಈ ಕಸಿಯನ್ನು ಕೈಗೊಳ್ಳಲಾಗಿತ್ತು.

ವೈದ್ಯರಿಗೆ ದೊರೆತಿರುವ ಈ ಯಶಸ್ಸು ಗರ್ಭಾಶಯದ ಸಮಸ್ಯೆಗಳಿಂದಾಗಿ ಮಕ್ಕಳನ್ನು ಪಡೆಯಲು ಸಾಧ್ಯವಾಗ ಸಾವಿರಾರು ಮಹಿಳೆಯರ ಬದುಕಲ್ಲಿ ಹೊಂಗಿರಣವನ್ನು ಮೂಡಿಸಿದೆ ಎಂದು ಲ್ಯಾನ್ಸೆಟ್‌ನಲ್ಲಿ ಪ್ರಕಟವಾದ ಅಧ್ಯಯನ ಭರವಸೆ ವ್ಯಕ್ತಪಡಿಸಿದೆ. ಗರ್ಭಾಶಯದ ಬಂಜೆತನ ಸಮಸ್ಯೆ ಹೊಂದಿದ್ದ ಮಹಿಳೆಯರಿಗೆ ಮಕ್ಕಳು ಬೇಕೆಂದರೆ, ಇಲ್ಲಿಯವರೆಗೆ ದತ್ತು ಪಡೆಯುವುದು ಅಥವಾ ಬಾಡಿಗೆ ತಾಯಿಯಿಂದ ಮಗು ಪಡೆಯುವುದು- ಎರಡೇ ಅವಕಾಶಗಳಿದ್ದವು.

ಜೀವಂತ ದಾನಿಯಿಂದ ಗರ್ಭಕೋಶ ಪಡೆದು ಮಗುವನ್ನು ಹೆತ್ತ ಮೊದಲ ಪ್ರಕರಣ 2014ರಲ್ಲಿ ಸ್ವೀಡನ್‌ನ ದಾಖಲಾಗಿತ್ತು. ಬಳಿಕ ಇಂತಹ ಹತ್ತಾರು ಪ್ರಕರಣಗಳು ಬೆಳಕಿಗೆ ಬಂದಿವೆ. ಅಧಿಕವಿರುವುದರಿಂದ, ಮೃತ ಮಹಿಳೆಯಿಂದ ಗರ್ಭಕೋಶ ಪಡೆದು ಕಸಿ ಮಾಡಬಹುದೇ ಎಂದು ವೈದ್ಯರು ಪ್ರಯತ್ನಿಸುತ್ತಿದ್ದರು. ಯುಎಸ್, ಜೆಕ್ ಗಣರಾಜ್ಯ ಹಾಗೂ ಟರ್ಕಿ ದೇಶಗಳಲ್ಲಿ ಈ ಪ್ರಯತ್ನ ನಡೆದಿತ್ತು. ಆದರೆ ಇದೇ ಮೊದಲ ಬಾರಿಗೆ ಸಫಲತೆಯನ್ನು ಪಡೆಯಲಾಗಿದೆ.

10 ರಿಂದ 15% ರಷ್ಟು ಜೋಡಿಗಳಲ್ಲಿ ಬಂಜೆತನ ಪರಿಣಾಮ ಬೀರುತ್ತದೆ. ಈ ಗುಂಪಿನಲ್ಲಿ, 500 ಮಹಿಳೆಯರಲ್ಲಿ ಒಬ್ಬರು ಗರ್ಭಾಶಯ ಸಮಸ್ಯೆಯನ್ನು ಹೊಂದಿದ್ದಾರೆ. ಉದಾಹರಣೆಗೆ, ದೋಷಪೂರಿತತೆ, ಗರ್ಭಕಂಠದಲ್ಲಿ ಸಮಸ್ಯೆ ಅಥವಾ ಸೋಂಕು ಗರ್ಭಿಣಿಯಾಗಲು ತಡೆ ಒಡ್ಡುತ್ತದೆ.

ಕಸಿ ಮೂಲಕ ಮಗು ಪಡೆದಿರುವ 32 ವರ್ಷದ ಮಹಿಳೆ ಅಪರೂಪದ ಸಿಂಡ್ರೋಮ್ ಪರಿಣಾಮ ಗರ್ಭಕೋಶವಿಲ್ಲದೆ ಜನಿಸಿದ್ದರು. ಸ್ಟ್ರೋಕ್‌ನಿಂದ ಸಾವನ್ನಪ್ಪಿದ್ದ 45 ವರ್ಷದ ಮಹಿಳೆಯ ಪರಿವಾರದವರು ಆಕೆಯ ಅಂಗಾಂಗಳನ್ನು ದಾನ ಮಾಡಿದ್ದರು. ಆಕೆಯ ಗರ್ಭಕೋಶವನ್ನು ತೆಗೆದು 10 ಗಂಟೆಗಿಂತ ಹೆಚ್ಚು ಕಾಲ ಶಸ್ತ್ರಚಿಕಿತ್ಸೆ ನಡೆಸಿ ಗರ್ಭಕೋಶವನ್ನು ಅಳವಡಿಸಲಾಗಿತ್ತು.

ನಮ್ಮ ಈ ಯಶಸ್ಸು “ವೈದ್ಯಕೀಯ ಮೈಲಿಗಲ್ಲು” ಎಂದು ಸಾವ್ ಪೌಲೋ ಯೂನಿವರ್ಸಿಟಿ ಆಸ್ಪತ್ರೆಯ ವೈದ್ಯ ಡನಿ ಎಝೆನ್ಬರ್ಗ್ ಸಂತಷ ವ್ಯಕ್ತ ಪಡಿಸಿದ್ದಾರೆ. ಬದುಕಿದ್ದವರಲ್ಲಿ ಗರ್ಭಕೋಶ ದಾನಕ್ಕೆ ಮುಂದಾಗುವವರ ಸಂಖ್ಯೆ ಕಡಿಮೆ. ಆದರೆ ತಾವು ಸತ್ತ ಬಳಿಕ ಗರ್ಭದಾನ ಮಾಡಲು ಸಿದ್ಧರಿರುವವರ ಸಂಖ್ಯೆ ಸಾಕಷ್ಟಿದೆ, ಎಂದು ಅವರು ಹೇಳಿದ್ದಾರೆ.

About the author

ಕನ್ನಡ ಟುಡೆ

Leave a Comment