ಅ೦ತರಾಷ್ಟ್ರೀಯ

ಶಬ್ಧಕ್ಕಿಂತ ವೇಗವಾಗಿ ಹಾರಿ, ವಿಶ್ವ ದಾಖಲೆ ಬರೆದ ವರ್ಜಿನ್‌ ಅಟ್ಲಾಂಟಿಕ್‌ ವಿಮಾನ

ವಾಷಿಂಗ್ಟನ್‌: ವರ್ಜಿನ್‌ ಅಟ್ಲಾಂಟಿಕ್‌ ವಿಮಾನವು ಲಾಸ್‌ ಏಂಜಲಿಸ್‌ನಿಂದ ಲಂಡನ್‌ಗೆ ಗಂಟೆಗೆ 1289 ಕಿ.ಮೀ. ವೇಗದಲ್ಲಿ ಸಂಚರಿಸುವ ಮೂಲಕ ವಿಶ್ವ ದಾಖಲೆ ನಿರ್ಮಿಸಿದೆ. ಪ್ರಬಲ ಗಾಳಿಯ ಸಹಾಯದಿಂದ ವರ್ಜಿನ್‌ ಅಟ್ಲಾಂಟಿಕ್‌ಗೆ ಈ ಸಾಧನೆ ಮಾಡಲು ಸಹಾಯವಾಗಿದೆ ಎನ್ನಲಾಗಿದೆ. ಶಬ್ಧದ ವೇಗ ಗಂಟೆಗೆ 1,234.37 ಕಿ.ಮೀ. ವರ್ಜಿನ್‌ ಅಟ್ಲಾಂಟಿಕ್‌ ಶಬ್ಧದ ವೇಗಕ್ಕಿಂತ ಸುಮಾರು 54 ಕಿ.ಮೀ. ಹೆಚ್ಚು ವೇಗದಲ್ಲಿ ಪ್ರಯಾಣಿಸಿದೆ.

ಅಲ್ಲಿನ ಕಾಲಮಾನಕ್ಕೆ ಅನುಗುಣವಾಗಿ ವರ್ಜಿನ್‌ ಅಟ್ಲಾಂಟಿಕ್‌ ವಿಮಾನವು ಲಾಸ್‌ ಏಂಜಲಿಸ್‌ನಿಂದ ಮಧ್ಯಾಹ್ನ 2.48ಕ್ಕೆ ನಭಕ್ಕೆ ಜಿಗಿದಿದ್ದು, ಲಂಡನ್‌ಗೆ ಮಧ್ಯ ರಾತ್ರಿ 8.43ಕ್ಕೆ ತಲುಪಿದೆ. ಸಾಮಾನ್ಯವಾಗಿ ಆಗಮಿಸುತ್ತಿದ್ದ ಸಮಯಕ್ಕಿಂತ 48 ನಿಮಿಷ ಮೊದಲೇ ಆಗಮಿಸುವ ಮೂಲಕ ಎಲ್ಲರ ಹುಬ್ಬೇರುವಂತೆ ಮಾಡಿದೆ. ನನ್ನ ಜೀವನದಲ್ಲಿ ಇಂತಹ ಪ್ರಬಲ ಗಾಳಿಯನ್ನು ನೋಡಿರಲಿಲ್ಲ. ಪ್ರತಿ ಗಂಟೆಗೆ ಸುಮಾರು 800 ಮೈಲಿ ವೇಗದಲ್ಲಿ ವಿಮಾನ ಸಂಚರಿಸಿದೆ ಎಂದು ಜೆಟ್‌ನ ಕ್ಯಾಪ್ಟನ್‌ ಪೀಟರ್‌ ಜೇಮ್ಸ್‌ ಟ್ವೀಟ್‌ ಮಾಡಿದ್ದಾರೆ. ಕಳೆದ ಜನವರಿಯಲ್ಲಿ ನಾರ್ವೆ ಮೂಲಕ 787-9 ವಿಮಾನವು ಜಾನ್‌ ಎಫ್‌ ಕೆನಡಿ ವಿಮಾನ ನಿಲ್ದಾಣದಿಂದ ಲಂಡನ್‌ನ ಗೇಟ್‌ವಿಕ್‌ಗೆ ಪ್ರಯಾಣಿಸುವ ವೇಳೆ ಪ್ರತಿ ಗಂಟೆಗೆ ಸುಮಾರು 787 ಮೈಲಿ ವೇಗವಾಗಿ ಚಲಿಸುವ ಮೂಲಕ ದಾಖಲೆ ನಿರ್ಮಿಸಿತ್ತು.

About the author

ಕನ್ನಡ ಟುಡೆ

Leave a Comment