ಸಿನಿ ಸಮಾಚಾರ

ಶಾರುಖ್ ಖಾನ್‌ಗೆ ಗೌರವ ಡಾಕ್ಟರೇಟ್, ಜಾಮಿಯಾ ಮನವಿಗೆ ಸರಕಾರ ನಕಾರ

ಬಾಲಿವುಡ್ ನಟ ಶಾರುಖ್ ಖನ್‌ಗೆ ಗೌರವ ಡಾಕ್ಟರೇಟ್ ನೀಡಲು ದಿಲ್ಲಿಯ ಜಾಮಿಯ ಮಿಲ್ಲಿಯಾ ಇಸ್ಲಾಮಿಯಾ ವಿಶ್ವವಿದ್ಯಾಲಯದ ಮನವಿಯನ್ನು ಕೇಂದ್ರ ಮಾನವ ಸಂಪನ್ಮೂಲ ಅಭಿವೃದ್ಧಿ ಸಚಿವಾಲಯ ನಿರಾಕರಿಸಿದೆ. ಈ ಮೂಲಕ ಗೌರವ ಡಾಕ್ಟರೇಟ್ ಶಾರುಖ್ ಖಾನ್  ಕೈತಪ್ಪಿದೆ.

ಈಗಾಗಲೆ ಶಾರುಖ್ ಖಾನ್ ಅವರಿಗೆ ಇನ್ನೊಂದು ವಿಶ್ವ ವಿದ್ಯಾಲಯ ಗೌರವ ಡಾಕ್ಟರೇಟ್ ನೀಡಿರುವ ಕಾರಣ ಸಾಧ್ಯವಿಲ್ಲ ಎಂದು ಸ್ಪಷ್ಟಪಡಿಸಿದೆ. ಶಾರುಖ್‌ ಅವರಿಗೆ 2016ರಲ್ಲಿ ಮೌಲಾನಾ ಆಜಾದ್‌ ರಾಷ್ಟ್ರೀಯ ಉರ್ದು ವಿವಿ ಡಾಕ್ಟರೇಟ್‌ ನೀಡಿರುವುದರಿಂದ ಅಂತಹುದೇ ಮತ್ತೊಂದು ಪದವಿ ನೀಡುವ ಅಗತ್ಯವಿಲ್ಲ ಎಂದು ಮಾನವ ಸಂಪನ್ಮೂಲಾಭಿವೃದ್ಧಿ ಇಲಾಖೆ ಅಭಿಪ್ರಾಯಪಟ್ಟಿದೆ.

ಶಾರುಖ್‌ ಈ ಸಂಸ್ಥೆಯ ಸಮೂಹ ಸಂವಹನ ಸಂಶೋಧನಾ ಕೇಂದ್ರದ ಸ್ನಾತಕೋತ್ತರ ವಿದ್ಯಾರ್ಥಿಯಾಗಿದ್ದರು. ಆದರೆ, ಹಾಜರಿ ಕೊರತೆಯಿಂದ ಅಂತಿಮ ಪರೀಕ್ಷೆಗೆ ಹಾಜರಾಗಿರಲಿಲ್ಲ. ಈ ರೀತಿಯ ಹಲವಾರು ಪದವಿಗಳನ್ನು ನೀಡಲು ಇಂತಹದ್ದೇ ನಿಯಮಗಳು ಅಂತೇನು ಇಲ್ಲ. ಆದರೆ ಈ ರೀತಿಯ ಅಭ್ಯಾಸವನ್ನು “ಪ್ರೋತ್ಸಾಹಿಸಲ್ಲ” ಎಂದು ಮಾನವ ಸಂಪನ್ಮೂಲ ಅಭಿವೃದ್ದಿ ಸವಿವಾಲಯದ ಅಧಿಕಾರಿಗಳು ಪ್ರತಿಕ್ರಿಯಿಸಿದ್ದಾರೆ.

ಬಾಲಿವುಡ್ ಮೆಗಾ ಸ್ಟಾರ್ ಅಮಿತಾಬ್ ಬಚ್ಚನ್ ವಿರುದ್ಧ ಹಗೆ ತೀರಿಸಿಕೊಳ್ಳುತ್ತೇನೆ ಎಂದು ಇತ್ತೀಚೆಗೆ ಶಾರುಖ್ ಟ್ವೀಟ್ ಮಾಡಿದ್ದು ಸುದ್ದಿಯಾಗಿತ್ತು. ಅಮಿತಾಬ್, ತಾಪ್ಸಿ ಮುಖ್ಯ ಭೂಮಿಕೆಯಲ್ಲಿ ನಟಿಸಿರುವ ಚಿತ್ರ ‘ಬದ್ಲಾ’. ಸಂಜಯ್ ಘೋಷ್ ಈ ಚಿತ್ರವನ್ನು ನಿರ್ದೇಶಿಸಿದ್ದಾರೆ. ಈ ಚಿತ್ರದ ಪೋಸ್ಟರನ್ನು ಶಾರುಖ್ ಟ್ವಿಟರ್‌ನಲ್ಲಿ ರಿಲೀಸ್ ಮಾಡಿದ್ದು ಈ ರೀತಿ ಹೇಳಿದ್ದರು.

“ಅಮಿತಾಬ್ ಜಿ ನಿಮ್ಮ ಮೇಲೆ ಹಗೆ ತೀರಿಸಿಕೊಳ್ಳಲು ಬರುತ್ತಿದ್ದೇನೆ. ಸಿದ್ಧವಾಗಿರಿ” ಎಂದು ತಮಾಷೆಯಾಗಿ ಟ್ವೀಟ್ ಮಾಡಿದ್ದಾರೆ. ಇದಕ್ಕೆ ಅಮಿತಾಬ್ ಬಚ್ಚನ್ ಪ್ರತಿಕ್ರಿಯಿಸುತ್ತಾ, “ಶಾರುಖ್ ಭಾಯ್.. ಹಗೆ ತೀರಿಸಿಕೊಳ್ಳುವ ಸಮಯ ಮೀರಿ ಹೋಗಿದೆ. ಈಗ ಎಲ್ಲರಿಗೂ ಹಗೆಯನ್ನು ಹಂಚಬೇಕಾದ ಸಮಯ ಬಂದಿದೆ (ಪೋಸ್ಟರ್‌ಗಳನ್ನು ಉದ್ದೇಶಿಸಿ)” ಎಂದು ತಿರುಗೇಟು ನೀಡಿದ್ದರು.

About the author

ಕನ್ನಡ ಟುಡೆ

Leave a Comment