ರಾಜಕೀಯ

ಸಿದ್ದುಗೆ ದೇವೇಗೌಡರಿಂದ ಎಚ್ಚರಿಕೆ

ಬೆಂಗಳೂರು : ಜೆಡಿಎಸ್-ಕಾಂಗ್ರೆಸ್ ಮೈತ್ರಿ ಸರಕಾರದಲ್ಲಿನ ನಿರಂತರ ಗೊಂದಲ ಹಾಗೂ ‘ಕೈ’ ಶಾಸಕರ ನಿತ್ಯ ಕಿರಿಕಿರಿ ಮಾತುಗಳ ಹಿಂದೆ ಮಾಜಿ ಸಿಎಂ ಸಿದ್ದರಾಮಯ್ಯ ಕೈವಾಡದತ್ತ ಜೆಡಿಎಸ್ ವರಿಷ್ಠ ಎಚ್.ಡಿ.ದೇವೇಗೌಡರು ನೇರವಾಗಿ ಬೊಟ್ಟು ಮಾಡಿದ್ದಾರೆ. 1996ರಲ್ಲಿ ಅವಕಾಶವಿದ್ದರೂ ತಮ್ಮನ್ನು ಸಿಎಂ ಮಾಡಲಿಲ್ಲ ಎಂಬ ಕೋಪವೇ ಸಿದ್ದರಾಮಯ್ಯ ಅವರ ಈ ವರ್ತನೆಗೆ ಕಾರಣ ಎಂದು ಗುಡುಗಿದ್ದಾರೆ. ಮಿತ್ರಪಕ್ಷದ ಶಾಸಕರ ಲಘು ಮಾತು ನಿಲ್ಲಿಸದಿದ್ದರೆ ಕೈ ಮೀರಿ ಹೋಗಲಿದೆ ಎಂದು ಎಐಸಿಸಿ ವರಿಷ್ಠರಿಗೆ ಸ್ಪಷ್ಟ ಎಚ್ಚರಿಕೆ ನೀಡಿದ್ದಾರೆ.

ಇದರೊಂದಿಗೆ, ಕಳೆದ ಮೂರ್ನಾಲ್ಕು ದಿನಗಳಿಂದ ‘ದೋಸ್ತಿ’ಗಳ ನಡುವೆ ನಡೆಯುತ್ತಿರುವ ‘ಒಳ ಕುಸ್ತಿ’ಗೆ ದೇವೇಗೌಡರು ಪ್ರವೇಶಿಸಿದ್ದುಘಿ, ಕದನ ಕುತೂಹಲ ಹೆಚ್ಚುವಂತೆ ಮಾಡಿದೆ. ಮೈತ್ರಿ ಸರಕಾರ, ಸಿಎಂಗೆ ಮುಜುಗರ ತರುವಂತಹ ಹೇಳಿಕೆ ಬೇಡ ಎಂದು ಪಕ್ಷದ ಶಾಸಕರು, ಮುಖಂಡರಿಗೆ ಕಾಂಗ್ರೆಸ್ ಲಕ್ಷ್ಮಣರೇಖೆ ಎಳೆದಿದೆ. ಇಷ್ಟಾದರೂ, ನಿಲ್ಲದ ದೋಸ್ತಿ ಕಲಹದ ಹಿಂದೆ ಸಿದ್ದರಾಮಯ್ಯ ಇದ್ದಾರೆ; ದೋಸ್ತಿ ಬೆಸೆಯುವ ಸಮನ್ವಯ ಸಮಿತಿ ಅಧ್ಯಕ್ಷರಾಗಿದ್ದೂ ಅವರು ಬೇರೆಯದೇ ವರಸೆ ತೋರುತ್ತಿದ್ದಾರೆ ಎಂಬರ್ಥದಲ್ಲಿ ದೇವೇಗೌಡರು ಆಕ್ರೋಶ ಹೊರ ಹಾಕಿದ್ದಾರೆ. ದೇವೇಗೌಡರ ಮಾತಿಗೆ ಧ್ವನಿಗೂಡಿಸಿದ ಸಿಎಂ ಎಚ್.ಡಿ.ಕುಮಾರಸ್ವಾಮಿ ‘‘ಸಣ್ಣದೊಂದು ತಪ್ಪೂ ಮಾಡದೆ, ಯಾವೊಂದು ಅಕ್ರಮದ ಆಪಾದನೆಯೂ ಇಲ್ಲದೆ ಕೇವಲ ಹತ್ತೂವರೆ ತಿಂಗಳಿಗೇ ಪ್ರಧಾನಮಂತ್ರಿ ಸ್ಥಾನವನ್ನೇ ತೊರೆದು ಬಂದ ಕುಟುಂಬ ನಮ್ಮದು. ಇನ್ನು ಸಿಎಂ ಕುರ್ಚಿಗೆ ಅಂಟಿಕೊಂಡು ಕೂರುತ್ತೇನಾ? ರೈತರು, ದುರ್ಬಲ ವರ್ಗ, ಜನಸಾಮಾನ್ಯರಿಗೆ ಏನಾದರೂ ಮಾಡಬೇಕು ಎಂಬ ಕಾರಣಕ್ಕೆ ನೋವು ನುಂಗಿಕೊಂಡೇ ಕೆಲಸ ಮಾಡುತ್ತಿದ್ದೇನೆ. ನಾಡಿನ ಜನರಿಗೆ ಮೋಸ ಮಾಡಿ ಅಧಿಕಾರ ಅನುಭವಿಸುವ ವ್ಯಕ್ತಿತ್ವ ನನ್ನದಲ್ಲಘಿ. ಜನರಿಗೆ ನೋವು ಕೊಟ್ಟು ಒಂದು ಕ್ಷಣವೂ ಅಧಿಕಾರದಲ್ಲಿ ಮುಂದುವರಿಯಲ್ಲ,’’ ಎಂದು ಹೇಳಿದರು. ಜೆಡಿಎಸ್ ರಾಷ್ಟ್ರೀಯ ಕಾರ‌್ಯಕಾರಿಣಿಯ ಭಾಗವಾಗಿ 2ನೇ ದಿನವಾದ ಬುಧವಾರ ನಗರದ ಅರಮನೆ ಮೈದಾನದಲ್ಲಿ ದೇವೇಗೌಡ ಮತ್ತು ಕುಮಾರಸ್ವಾಮಿ ಬೃಹತ್ ಸಮಾವೇಶ ಉದ್ದೇಶಿಸಿ ಅಂತರಾಳದ ಸಂಕಟವನ್ನು ಹೊರ ಹಾಕಿದರು. ‘‘ಮಿತ್ರಪಕ್ಷ ಕಾಂಗ್ರೆಸ್ ಶಾಸಕರ ಅಸಹನೆಯ ಮಾತುಗಳಿಂದ ನಾಡಿನ ಜನರಿಗೆ ತಪ್ಪು ಸಂದೇಶ ರವಾನೆಯಾಗುತ್ತಿದೆ. ರೈತರ ಸಾಲ ಮನ್ನಾಘಿ, ವೃದ್ಧಾಪ್ಯ ವೇತನ ಹೆಚ್ಚಳ, ಗರ್ಭಿಣಿ-ಬಾಣಂತಿಯರಿಗೆ ಭತ್ಯೆಯಂತಹ ಮೈತ್ರಿ ಸರಕಾರದ ಮಹತ್ವದ ಕಾರ್ಯಕ್ರಮಗಳು ಮುಸುಕಾಗುತ್ತಿವೆ,’’ ಎಂಬ ಅಸಮಾಧಾನ ವ್ಯಕ್ತಮಾಡಿದರು.
ದೇವೇಗೌಡರು ದುಗುಡವೇನು?
* 1996ರಲ್ಲಿ ಸಿಎಂ ಆಗುವುದನ್ನು ತಪ್ಪಿಸಿದರು ಎಂದು ಕೋಪ ಪ್ರದರ್ಶಿಸುತ್ತೀರಲ್ಲಾಘಿ? ಜೆ.ಎಚ್.ಪಟೇಲ್ ಬಿಟ್ಟು ನಿಮ್ಮನ್ನು ಸಿಎಂ ಮಾಡಿದ್ದರೆ 36 ಲಿಂಗಾಯತ ಶಾಸಕರು ಸುಮ್ಮನಿರುತ್ತಿದ್ದರಾ? ನಿಮ್ಮನ್ನು ಅಧಿಕಾರದಲ್ಲಿ ಉಳಿಸುತ್ತಿದ್ದರಾ?

* ಕುರುಬ ಸಮಾಜದ ನಾಯಕತ್ವಕ್ಕೆ ದೇವೇಗೌಡನಿಂದ ಅಪಾಯ ಎಂದು ಬಿಂಬಿಸಿದರಲ್ಲಾಘಿ… ದೊಡ್ಡಳ್ಳಿ ಗೋಲಿಬಾರ್‌ನಲ್ಲಿ ಮೃತನ ಪರವಾಗಿ 9 ದಿನ ಉಪವಾಸ ಕುಳಿತಿದ್ದೆಘಿ. ಆತ ಕುರುಬ ಸಮುದಾಯದ ವ್ಯಕ್ತಿಯಲ್ಲವೇ?

*1989ರಲ್ಲಿ ಲಕ್ಷ್ಮೀಸಾಗರ್ ಮೂಲಕ 10 ಚಾರ್ಜ್‌ಶೀಟ್ ಮಾಡಿಸಿದಿರಲ್ಲಾಘಿ… ನಂತರದ ಐದು ವರ್ಷ ಹೇಗೆ ನಾನು ಎಷ್ಟು ನೋವುಂಡು ರಾಜಕಾರಣದಲ್ಲಿ ಬದುಕಿದೆ ಗೊತ್ತಾಘಿ?
* ಮುಸ್ಲಿಮರಿಗೆ ನನ್ನ ಕೊಡುಗೆ ಪ್ರಶ್ನಿಸಲು ಕಡುವಿರೋಧಿಗಳಿಗೂ ಅವಕಾಶವಿಲ್ಲಘಿ. ಆದರೂ, ಮುಸ್ಲಿಮರಿಗೆ ನನ್ನ ಬಗ್ಗೆ ಯಾವ ಸಂದೇಶ ಕೊಟ್ಟಿರಿ?
* 37 ಸೀಟುಗಳ ಸಿಎಂ ಎಂದು ಪದೇಪದೆ ದೂರುತ್ತಿದ್ದರೆ ಮೈತ್ರಿ ಸರಕಾರದ ಜನಪರ ಕೆಲಸಗಳಿಗೆ ಗೌರವ ಸಿಗುತ್ತಾಘಿ?

ಕುಮಾರಸ್ವಾಮಿಯ ಸಂಕಟವೇನು
* ಸಿದ್ದರಾಮಯ್ಯ ಸರಕಾರದ ಘೋಷಣೆಯಂತೆ 3,800 ಕೋಟಿ ರೂ. ರೈತರ ಸಾಲ ಮನ್ನಾದ ಬಾಕಿ ತೀರಿಸಿದ್ದು ನಾನು.
* ರೈತರ ಸಾಲ ಮನ್ನಾ ಸವಾಲು ಸ್ವೀಕಾರ ಮಾಡಿದ ನಂತರವೂ ಅನುಮಾನ ಮೂಡುವಂತೆ ಮಾತನಾಡುವುದು ಸರಿಯೇ?
* ಕಾಂಗ್ರೆಸ್‌ನವರ ವರ್ಗಾವಣೆ ಬೇಡಿಕೆಗಳಿಗೆ ಸಿಎಂ ಸ್ಪಂದಿಸುತ್ತಿಲ್ಲ ಎಂಬ ವಾಟ್ಸ್‌ಆ್ಯಪ್ ಸಂದೇಶಗಳನ್ನು ಕಾರ್ಯಕರ್ತರ ಮೂಲಕ ಹರಿಬಿಡುತ್ತಿದ್ದರೆ ನಾನು ಎಷ್ಟು ವರ್ಗಾವಣೆ ಮಾಡಲಿ? ಇದೇ ಮಾಡುತ್ತಿದ್ದರೆ ಸಿಎಂ ಸ್ಥಾನದ ಗೌರವ ಉಳಿಯುತ್ತಾಘಿ?

ರಾಹುಲ್ ಭೇಟಿಯಾದ ಸಿದ್ದು, ದಿನೇಶ್
 : ಇವೆಲ್ಲ ಬೆಳವಣಿಗೆಗಳ ನಡುವೆಯೇ ಎಐಸಿಸಿ ಅಧ್ಯಕ್ಷ ರಾಹುಲ್ ಗಾಂಧಿ ಅವರ ಬುಲಾವ್ ಮೇರೆಗೆ ಸಿದ್ದರಾಮಯ್ಯ ಹಾಗೂ ಕೆಪಿಸಿಸಿ ಅಧ್ಯಕ್ಷ ದಿನೇಶ್ ಗುಂಡೂರಾವ್ ದಿಲ್ಲಿ ತಲುಪಿ ಅವರೊಂದಿಗೆ ಮಾತುಕತೆ ನಡೆಸಿ ವಾಪಸ್ ಆಗಿದ್ದಾರೆ. ಮೈತ್ರಿ ಪಕ್ಷಗಳಲ್ಲಿನ ಗೊಂದಲ ನಿವಾರಣೆ ನಿಟ್ಟಿನಲ್ಲಿ ರಾಹುಲ್ ಸಲಹೆ ನೀಡಿದ್ದಾರೆ ಎನ್ನಲಾಗುತ್ತಿದೆ.

About the author

ಕನ್ನಡ ಟುಡೆ

Leave a Comment