ರಾಜ್ಯ ಸುದ್ದಿ

ಸುದೀರ್ಘ ಅವಧಿಗೆ ಅಧಿಕಾರ ನಡೆಸಿದ ಏಕೈಕ ಗುರು ಸಿದ್ಧಗಂಗಾ ಶ್ರೀಗಳು

ತುಮಕೂರು: ಒಂದು ಸಂಸ್ಥೆ(ಮಠ)ಯ ಅಧಿಕಾರವನ್ನು ಸುದೀರ್ಘ ಅವಧಿಯಲ್ಲಿ (78 ವರ್ಷ) ಮುನ್ನಡೆಸಿದ ಜಗತ್ತಿನ ಏಕೈಕ ಗುರು ಸಿದ್ಧಗಂಗಾ ಶ್ರೀಗಳು. 1930 ಜನವರಿ 16 ರಂದು ಮರುಳರಾಧ್ಯರ ಲಿಂಗೈಕ್ಯ ನಂತರ ಮಠದ ಉತ್ತರಾಧಿಕಾರಿಯಾಗಿ ಆಯ್ಕೆಯಾದ ಶ್ರೀಗಳು 1941 ಜನವರಿ 11 ರಂದು ಉದ್ಧಾನ ಶಿವಯೋಗಿಗಳ ನಂತರ ಮಠದ ಪೂರ್ಣ ಪ್ರಮಾಣದ ಅಧಿಕ ಅಧಿಕಾರ ಸ್ವೀಕರಿಸಿದರು. ಇಷ್ಟು ಸುಧೀರ್ಘ ವರ್ಷಗಳ ಕಾಲ ಯಾವುದೇ ರಾಜ, ರಾಜಕಾರಣಿ, ಮಠಾಧಿಪತಿ ಅಧಿಕಾರ ನಡೆಸಿಲ್ಲ. ಇದು ಶ್ರೀಗಳ ಸಾಧನೆ. ಜನವರಿಯಲ್ಲಿ ಶ್ರೀಗಳ ಜೀವನದಲ್ಲಿ ಅನೇಕ ಘಟನಾವಳಿಗಳು ನಡೆದಿರುವುದನ್ನು ಕೂಡ ಇಲ್ಲಿ ಗಮನಿಸಬಹುದು.

ಬದುಕಿದ್ದಾಗಲೇ ಅಧಿಕಾರ ಹಸ್ತಾಂತರ ಮಾಡಿದ ಏಕೈಕ ಗುರು
 : ಸಿದ್ಧಲಿಂಗ ಸ್ವಾಮಿ ಅವರನ್ನು 31/03/1988 ರಲ್ಲಿ ಶಿಷ್ಯರನ್ನಾಗಿ ಸ್ವೀಕರಿಸಿದ್ದ ಶ್ರೀಗಳು 04/08/2011 ರಲ್ಲಿ ಸಿದ್ಧಗಂಗಾ ಮಠಕ್ಕೆ ಅವರನ್ನು ಅಧ್ಯಕ್ಷರಾಗಿ ನೇಮಿಸಿದರು. ತಾವು ಬದುಕಿರುವಾಗಲೇ ಮಠದ ಸರ್ವ ಅಧಿಕಾರವನ್ನು ತಮ್ಮ ಉತ್ತರಾಧಿಕಾರಿಗೆ ಹಸ್ತಾಂತರ ಮಾಡಿದ್ದರು. ಸಾಮಾನ್ಯವಾಗಿ ಹಿರಿಯ ಶ್ರೀಗಳು ನಿಧನಾನಂತರ ಅಧಿಕಾರ ಹಸ್ತಾಂತರ ಮಾಡಲಾಗುತ್ತದೆ. ಆದರೆ ಸಿದ್ಧಗಂಗಾ ಶ್ರೀ ತಾವು ಇರುವಂತೆಯೇ, ತಮ್ಮ ಸಂಪೂರ್ಣ ಅಧಿಕಾರವನ್ನು ತಮ್ಮ ಶಿಷ್ಯನಿಗೆ ಧಾರೆ ಎರೆದಿದ್ದರು. ಮಠದ ಅಧ್ಯಕ್ಷರಾಗಿ ಅಧಿಕಾರ ಸ್ವೀಕರಿಸಿದ ಬಳಿಕ ಎಲ್ಲಾ ಕಾರ್ಯ ಚಟುವಟಿಕೆಗಳನ್ನು ಕಿರಿಯ ಶ್ರೀಗಳೇ ನಿರ್ವಹಿಸುತ್ತಿದ್ದಾರೆ. ಕಿರಿಯ ಶ್ರೀಗಳೇ ಮುಂದೆಯೂ ಸಿದ್ಧಗಂಗಾ ಮಠದ ತ್ರಿವಿಧ ದಾಸೋಹವನ್ನು ಮುಂದುವರೆಸಲಿದ್ದಾರೆ.

About the author

ಕನ್ನಡ ಟುಡೆ

Leave a Comment