ರಾಷ್ಟ್ರ ಸುದ್ದಿ

ಹೊಸದಿಲ್ಲಿ: ರಾಮ ಮಂದಿರಕ್ಕೆ ಮುಲಾಯಂ ಸೊಸೆ ಬೆಂಬಲ

ಹೊಸದಿಲ್ಲಿ: ಅಯೋಧ್ಯೆಯಲ್ಲಿ ರಾಮ ಮಂದಿನಿರ್ಮಾಣಕ್ಕೆ ಸಮಾಜವಾದಿ ಪಕ್ಷದ ಸಂಸ್ಥಾಪಕ ಮುಲಾಯಂ ಸಿಂಗ್‌ ಯಾದವ್‌ ಅವರ ಸೊಸೆ ಅಪರ್ಣ ಯಾದವ್‌ ಬೆಂಬಲ ವ್ಯಕ್ತಪಡಿಸಿದ್ದಾರೆ. ಇದೇ ವೇಳೆ, ನ್ಯಾಯಾಂಗ ವ್ಯವಸ್ಥೆಯಲ್ಲಿ ತಾವು ಸಂಪೂರ್ಣ ಭರವಸೆ ಹೊಂದಿರುವುದಾಗಿಯೂ ತಿಳಿಸಿದ್ದಾರೆ. ಬಾರಾಬಂಕಿಯಲ್ಲಿ ದೇವ ಷರೀಫ್‌ ದರ್ಗಾಗೆ ಭೇಟಿ ನೀಡಿದ ಬಳಿಕ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ”ನಾನು ಬಿಜೆಪಿ ಜತೆ ಇಲ್ಲ. ಆದರೆ ರಾಮನ ಜತೆ ಇದ್ದೇನೆ. ರಾಮನ ಜನ್ಮಸ್ಥಳವಾದ ಅಯೋಧ್ಯೆಯಲ್ಲೇ ಮಂದಿರ ನಿರ್ಮಾಣವಾಗಬೇಕು,” ಎಂದರು. 2017ರ ವಿಧಾನಸಭೆ ಚುನಾವಣೆಯಲ್ಲಿ ಎಸ್‌ಪಿ ಅಭ್ಯರ್ಥಿಯಾಗಿ ಸ್ಪರ್ಧಿಸಿ ಸೋತಿದ್ದ ಅಪರ್ಣಾ, ಈಗ ತಮ್ಮ ಚಿಕ್ಕಪ್ಪ ಶಿವಪಾಲ್‌ ಸಿಂಗ್‌ ಅವರ ‘ಪ್ರಗತಿಶೀಲ ಸಮಾಜವಾದಿ ಪಕ್ಷ ಲೋಹಿಯಾ'(ಪಿಎಸ್‌ಪಿಎಲ್‌) ಅನ್ನು ಬೆಂಬಲಿಸುತ್ತಿದ್ದಾರೆ.

ಮಂದಿರ ನಿರ್ಮಾಣಕ್ಕೆ ಖಾಸಗಿ ವಿಧೇಯಕ : ಅಯೋಧ್ಯೆಯಲ್ಲಿ ರಾಮಮಂದಿರ ನಿರ್ಮಾಣ ಕುರಿತು ಸಂಸತ್ತಿನ ಚಳಿಗಾಲದ ಅಧಿವೇಶನದಲ್ಲಿ ಖಾಸಗಿ ವಿಧೇಯಕ ಮಂಡಿಸುವುದಾಗಿ ಬಿಜೆಪಿ ರಾಜ್ಯಸಭೆ ಸದಸ್ಯ ರಾಕೇಶ್‌ ಸಿನ್ಹಾ ಹೇಳಿದ್ದಾರೆ. ಇದೇ ವೇಳೆ, ಈ ಕುರಿತು ಕಾಂಗ್ರೆಸ್‌, ಎಡ ಮತ್ತು ಇತರೆ ವಿರೋಧ ಪಕ್ಷ ಗಳಿಗೆ ಸವಾಲು ಹಾಕಿರುವ ಅವರು, ”ಈ ಪಕ್ಷ ಗಳ ನಾಯಕರು ರಾಜ್ಯಸಭೆಯಲ್ಲಿ ಮಂಡಿಸಲು ಉದ್ದೇಶಿಸಿರುವ ಖಾಸಗಿ ಮಸೂದೆಗೆ ಬೆಂಬಲ ವ್ಯಕ್ತಪಡಿಸುತ್ತಾರೆಯೇ,?” ಎಂದು ಪ್ರಶ್ನಿಸಿದ್ದಾರೆ. ಚುನಾವಣೆಯಲ್ಲಿ ಗೆಲುವಿಗೆ ರಾಮ ಅಥವಾ ಅಲ್ಲಾಹ್‌ ನೆರವಾಗುವುದಿಲ್ಲ ಎಂದು ನ್ಯಾಷನಲ್‌ ಕಾನ್ಫರೆನ್ಸ್‌ ಪಕ್ಷದ ವರಿಷ್ಠ ಫಾರೂಕ್‌ ಅಬ್ದುಲ್ಲಾ ಹೇಳಿದ್ದಾರೆ.

”ರಾಮ ಚುನಾವಣೆ ಗೆಲ್ಲಿಸಿಕೊಡುತ್ತಾನೆ ಎಂದು ಬಿಜೆಪಿಯವರು ಹೇಳುತ್ತಾರೆ. ಆದರೆ, ಒಂದು ವಿಷಯ ಅವರು ತಿಳಿದುಕೊಳ್ಳಬೇಕು ರಾಮ ಅಥವಾ ಅಲ್ಲಾಹ್‌ ಅವರನ್ನು ಗೆಲ್ಲಿಸುವುದಿಲ್ಲ. ಅವರಿಗೆ ಜಯ ತಂದು ಕೊಡುವುದು ಜನರು,” ಎಂದು ರಾಮ ಮಂದಿರ ವಿವಾದ ಕುರಿತ ಪ್ರಶ್ನೆಯೊಂದಕ್ಕೆ ಅವರು ಪ್ರತಿಕ್ರಿಯಿಸಿದ್ದಾರೆ. ”ದೇಗುಲ, ಮಸೀದಿ ಅಥವಾ ಗುರುದ್ವಾರಗಳ ಪ್ರಶ್ನೆ ಇಲ್ಲಿ ಉದ್ಭವಿಸುವುದಿಲ್ಲ. ದೇಶದಲ್ಲಿ ನಾನಾ ಮತಗಳಿವೆ ಮತ್ತು ಪ್ರತಿಯೊಂದು ಮತವೂ ತನ್ನದೇ ಪೂಜಾ ಅಥವಾ ಪ್ರರ್ಥನಾ ಸ್ಥಳವನ್ನು ಹೊಂದಿದೆ,” ಎಂದಿದ್ದಾರೆ.

About the author

ಕನ್ನಡ ಟುಡೆ

Leave a Comment